Hoyr alla sendingina her.

Heini í Skorini hevur saman við Mathias Meier og Jacob Mchangama skrivað vísindaliga grein, ið varpar nýtt ljós á søguna um talufrælsið og upprunan til modernaða, altjóða mannarættindalóg, sum framvegis myndar kjakið um mannarættindi og javnstøðu.

Annfinnur Heinesen og Heini í Skorini eru við í dagsins sending.

Søgur hoyra jólunum til, og morgunsendingin hevur ofta sent eina jólasøgu beint upp undir jól.

Í ár er onki undantak, tí nú skulu vit hoyra jólasøguna, Kattastrofan.

Óla Jákup Rólantsson hevur týtt og tillagað úr norskum.

Norska søgan eitur Hjemme-uløkka og er eftir norska rithøvundin Arthur Arntzen.

Annfinnur Heinesen lesur.

Vangin 'fíggjarligt frælsi' sá dagsins ljós í august í ár. Kvinnan, sum hevði vangan, var tá dulnevnd. Hon helt, at fíggjarstøða og pengaprát var so tabu í Føroyum, og tí var tað ein ávísur tryggleiki í at vera dulnevnd.

Hon helt tó, at tørvur var á einum vanga, sum varpaði ljós á fíggjarstøðu og fíggjarligt frælsi.

ABC fyri sálarliga heilsu leggur dent á sálarheilsuna á jólum. Desember kann hava nógv ymiskt at bjóða. Tað kann bæði vera ein hugnalig og møðandi tíð.

Fyri summi er tíðin merkt av gleði, hugna og nærveru, og fyri onnur er hon kanska í størri mun merkt av einsemi, strongd, angist og sorg.

Monika Mohr, samskipari í Fólkaheilsuráðnu, greiddi frá teimum átta ráðunum, sum tey hava givið út í sambandi við jólamánaðin.

Fyrr í vikuni fingu allir teir eldru borgararnir á Argjum eina heimagjørda jólaheilsan og nakrar smákøkur til hurðina frá næmingum í 7. a og b í skúlanum á Argjahamri.

Næmingarnir, sum eru uml 50 í tali, hava sjálvir bakað allar smákøkurnar og funnið fram til øll tey, sum eru eldri enn 75. Harafturat hava nakrir næmingar eisini teknað heimagjørd jólakort.

Tað snýr seg um alt frá trygdarbeltum og ferð til skutarar og endurskyn, tá løgreglan greiðir teimum ungu í 8. flokki frá ferðslutrygd og ferðslureglum.

Hann, sum hevur havt henda leiklutin í 25 ár, er Jan Fossaberg, sum í mong ár var ferðsluløgreglumaður, og sum nú hevur takkað fyri seg á hesum øki. Men merkir Jan, at hann hevur gjørt mun?

Í sendingini í dag eru Lissi Hansen, Arina Høgnadóttir Wang, Børka Jákupsdóttir, Jan Fossaberg, Monika Mohr og Cecilia Nolsøe Sørensen.

Truplar etiskar støður eru partur av gerandisdegnum hjá sjúkrarøktarfrøðingum, tí tær eru um fólk, ið hava tað ringt á ymsan hátt. Tær eru partur av lívinum hjá tær og mær úr vøggu í grøv, og tað kann eisini gerast trupult hjá teimum at fóta sær, tá tær eru við okkum, tá vit eru allar mest sárbær, tí tá eru vanligu amboðini ikki altíð nóg mikið.