Kim Simonsen, granskari og rithøvundur, er ónøgdur við, hvussu danskir miðlar dekka Føroyar. Hann hevur skrivað eina tíðargrein, sum higartil hevur staðið í bæði Politiken og Informatión. 

Tíðargreinin snýr seg millum annað um, at danskir miðlar dekka Føroyar einsháttað við kritiskum greinum um til dømis fosturtøku, homofobi og kvinnuundirskot, sum gevur dønum eina reingjaða heildarmynd av Føroyum.

Við í sendingini eru Pól Johannessen, Jana Mortensen, Marjun Syderbø Kjelnæs, Súsanna Funding, Kári Árting og Kim Simonsen.

Dugir tú ikki at binda, men hevur hug til at læra tað í friði og náðum, so er møguleikin nú her við nýggju bókini Binda. Hon er gjørd til fólkaskúlan, men er eisini til keyps í handlunum, soleiðis at øll áhugað kunnu fáa gleði av henni.

Bókina hevur Sandra Sørensen skrivað, og hon hevur eisini heimasíðuna binda.fo, sum spælir ein stóran leiklut í bókini.

Tey luttakandi eru Hanus Kjølbro, Sandra Sørensen, Sigfríður Sólsker, Elisa Vang, Sólvá Joensen.

Amerikanska National Institute of Health hevur gjørt eina kanning, sum vísir, at amerikanarar taka bert 340g uppá í miðal um høgtíðina. Sjálvi hildu tey seg hava tikið millum fýra og fimm kilo uppá.

Hóast kanningin er amerikansk, er tað sannlíkt, at tað sama ger seg galdandi aðrastaðni. Á jólum eru siðvenjurnar nógvar, og fólk eta góðan døgurða og annað leskiligt. Hugsanin um, at ein tekur uppá um høgtíðina er vanlig og ofta fylgir ein skuldarkensla við. Av somu orsøk hevur fitness- og klænkiídnaðurin eisini so nógvar kundar í januar mánaði.

Í panelinum eru Napolion Magnussen, Jana Mortensen og Sverri Steinhólm

Lena Reinert, sum er bóndi og vísindaligt hjálparfólk á Føroyamálsdeildini, hevur funnið upp á ársins orð 2022, sum er stuttflutt.

Stuttflutt var kosið ársins orð við millum annað tí grundgeving, at orðið veruliga hevur fingið luft undir veingirnar í 2022. Men orðið er eldri enn so, tí í 2017/18 fann Lena Reinert, bóndi og vísindaligt hjálparfólk á Føroyamálsdeildini, upp á orðið, stuttflutt, sum nú er kosið ársins orð 2022.

- Tað er samanrenningin av mínum upphavi, uppvøkstri og útbúgving, ið hevur skapt orðið, greiðir Lena Reinert frá.

Heili fimm bygningar eru í hesum umskapaðir til eitt jólaumhvørvi, har fólk kunnu fara aftur í tíð eina løtu.

Talan er um bygningarnar hjá Thomsen á Tvøroyri, sum hava lagið upp fyri einari livandi framsýning við millum øðrum handli, stovum, kransaverkstaði, jólamanshøli.

- Vit ætlaðu, at fólk skuldu kunna sleppa at síggja, hoyra, anga og føla jólini fyrr, sigur Theresa Thuridardóttir Kreutzmann sum saman við øðrum hevur staðið fyri jólaupplivingini.

Við í sendingini eru Lena Reinert, Theresa Turidardóttir Kreutzmann, Leif Hansen, Birita Poulsen, Napolion Magnussen, Jana Mortensen og Sverri Steinhólm.

- Stuttflutt er eitt snøgt orð, sum riggar væl og sigur rættiliga nógv, segði Óluva Klettskarð í morgun, tá hon vísti á stuttflutt sum ársins orð.

Hóast hinir báðir við borðið høvdu onnur uppskot, var tað stuttflutt, ið dró longsta stráðið tá avtornaði.

Í útvarpsstovuni vóru Ragnar Sigrunarson, málsligur ráðgevi og samskipari í Málráðnum, Jón Brian Hvidtfeldt, formaður í felagnum Føroysk Miðlafólk og Óluva Klettskarð, forkvinna í felagnum Føroyamál.

Tey 10 orðini, ið vórðu til umrøðu, vóru hesi:

- inflatión

- jarðhiti