Við hesaferð, Jóhann Mortensen, politiskur viðmerkjari og Kristina Gry Berg, forkvinna í Demokratia. Fríggjadagspanelið er mannað við Rana Nolsøe, Elisu Vang og Dánjali Samuelsen

Í Fríggjadagspanelinum hesa ferð eru Elisa Vang, Rani Nolsøe og Dánjal Samuelsen.

Í sendingini vóru Tróndur Vatnhamar, Lassin Isaksen og Edith Dahl Jakobsen

Trý evni vóru á skrá á altjóða dómarafundinum. Ágangur á dómarar, hvussu sambondini fáa fleiri fólk at taka dómaraprógv og halda fram við at døma, og triðja evnið var um at fáa fleiri kvinnur at døma.

Nógv er at gera og fara til um jóltíðir. Ikki minst, um tú hevur børn.

Tað kann tykjast ógjørligt at skula so nógv og samstundis varðveita tann góða jólahýrin.

Vígdis Skorheim, námsfrøðingur, ið hevur lisið námsfrøðiliga sálarfrøði, gevur okkum síni bestu ráð um, hvussu vit kunnu fáa eini góð og hugnalig jól.

Í nýggja árinum fara starvsfólk hjá Wenzel og Bilrøkt bara at arbeiða fýra dagar um vikuna. Tey varðveita tó somu løn.

- Eg havi ongantíð verið bangin fyri at royna nakað nýtt, ásannar stjórin, Rúni Djurhuus.

Hann hevur lagt til merks, at fleiri starvsfólk hava ilt við at finna stundir at gera alt tað, ið skal avgreiðast eftir arbeiðstíð.

Tí fer hetta væntandi at økja nøgdsemi og minka strongd hjá starvsfólkum.

Á tann hátt fáa fyritøkurnar eisini nakað gott burtur úr hesi skipanini, væntar Rúni Djurhuus.

Í sendingini hesaferð eru Elma á Geilini Ortind og Malan Mikkelsen, sum starvast á Heilsufrøðiligu Starvsstovuni, Rúni Djurhuus, stjóri á Wenzel og Vígdis Skorheim, námsfrøðingur, ið hevur lisið námsfrøðiliga sálarfrøði.

Tað, sum í hesum døgum er jólasmátta við kaffikøki og góðum plássi til drekkamunn, byrjaði fyri 35 árum síðani sum eitt lítið vakstrarhús. Tomatir og annað gott fær framvegis pláss, men ikki í desember, tí tá eru tað dekoratiónir og annað jólaprýði, sum fyllir meira ella minni alt.

Undir loftinum hanga kúlur og perur, á hillum fram við veggjum standa dekoratiónir og jólavættrar og á borðinum skálir við jólakaramellum.

Sverri Steinhólm, sjúkrahúsprestur í 27 ár, vísr á, at alt ov lítið er hugsað um umstøðurnar hjá avvarðandi á Landssjúkrahúsinum.

Kapellið, sum nú hevur verið stongt í hálvttriðja ár, var ikki serliga atkomuligt ella virðiligt.

Sjúkrahúspresturin harmast eisini um, at einki rúm er á Landssjúkrahúsnum, ið er ætlað avvarðandi, tá ein vanlukka er hend.

Sum støðan er, savnast tey avvarðandi í forhøllini, saman við øllum hinum, ið vitja á sjúkrahúsinum.

Í sendingini hesaferð eru Malan Hjalmarsdóttir, børn úr Nólsoyar skúla, Ólavur Jakobsen, Jóhann Mortensen, Bjarni Petersen og Sverri Steinhólm