Gestir hesaferð:

Andrias Klein Gregoriussen

Bjartur Grunnveit

Anna Falkenberg, fólkatingslimur, Barbara Holm, ábyrgdarstjóri á Frihedsbrevet.fo og Bergur Debes Joensen, prestur, vóru í nýggjárspanelinum. 

Tey nevndu hvør í sínum lagi tríggjar støður og hendingar, sum tey halda hava myndað 2022. Síðani kjakaðust tey um javnstøðu og etisk mál.

Jobmatch er í Norðurlandahúsinum í dag. Jobmatch er árliga starvsstevnan, har høvi er at koma í samband við stóran part av tí føroyska arbeiðsmarknaðinum.

Føroyskar fyritøkur, stovnar og kommunur eru til reiðar at møta vitjandi. Fólk kunnu gera vart við seg mótvegis møguligum framtíðar arbeiðsgevarum . Hetta er ætlað teimum, sum eru lesandi, nýútbúgvin og tey, sum ynskja at royna nýggjar avbjóðingar.

Tórshavnar kommuna hevur verið við á jobmatch hvørt ár, síðani tað byrjaði í 2011. Lena Lindenskov Mohr sigur, at tað hava verið nógv góð match tey seinastu árini.

Tey seinastu árini er prátið um umhvørvið eitt evni, sum fyllir nógv hjá fólki - og tað hoyra vit eisini, tá nýggjárið nærkast.

Sambært Rakul, ið starvast í Umhvørvisstovuni, so er fýrverkið annað enn bert stuttleiki, tí fýrverk dálkar.

- Umframt tað pappið og plastið, sum liggur eftir, aftaná vit hava skotið, so dálkar fýrverkið eisini luftina.

Í hesum føri kunnu mong gleðast um, at veðrið í Føroyum er skiftandi og vátt um veturin, tí tað er veðrið, sum reinsar luftina aftur.

Í Føroyum plaga vit at skjóta okkum inn í tað nýggja árið. 

Summi siga einki nýggjár uttan fýrverk, í meðan onnur halda, at tað fer illa við náttúruna og er spill av pengum.

Milia Egilsnes og Jógvan Jón Henriksen, sum bæði stillaðu upp til løgtingsvalið, halda, at sjálvt um tað er dýrt, so er tað ein góð siðvenja.

Tey siga tó, at vit skulu verða raskari við, at rudda upp eftir okkum.

- Um tú skjýtur fýrverk, so er tað tín ábyrgd, at burturbeina ruskið, sigur Jógvan Jón.

Húsaprísirnir í Føroyum eru voksnir sera nógv seinastu árini, vísa hagtøl hjá Hagstovuni. Teir eru eisini voksnir meira í Føroyum, enn teir eru í grannalondunum.

Síðani 2015 eru prísirnir voksnir við 70% í Føroyum, meðan teir til samanberingar er voksnir við bert 10% í Finnlandi, góðum 30% í Svøríki og Norra og næstan 40% í Danmark.

Fróði Magnussen, formaður í búskaparráðnum sigur, at talan um fleiri marknaðir. Vit síggja, at prísirnir í høvuðstaðarøkinum veksa nøkunlunda eins í øllum londunum, meðan sethúsaprísirnir í øðrum pørtum av londunum ikki eru eins dýrir.

Á teimum sosialu miðlunum, eru mong vorðin andliga livandi í 2022. Á appini Tik Tok verður tosað um tey afturvendandi tølini, sum kunnu setast í samband við tað, sum eitur einglatøl. Ein, sum altíð hevur verið andliga livandi, er Súsanna Vígdá, ið dagliga arbeiðir við tí andliga heiminum, har hon m.a. hjálpir øðrum, at seta seg í samband við teimum deyðu.

í 2013 skrivaði Niclas Heri Jákupsson søguna um silvurlittu lummalyktina hjá pápa sínum, og søgan varð send 22. desember sama ár.

Søgan snúi seg um pápa Niclas Hera, Jákup Fredriksen. Niclas Heri skrivar í forðorðunum til eina jólabók, sum hann gav út við fleiri jólasøgum fyri tveimum árum síðani, at pápi hansara elskaði søgur og sagnir.

Pápin var ein meistari at siga frá søgum, og mangt kvøldi sótu Niclas Heri og systrar hansara og lurtaðu eftir søgum, sum pápin so livandi fortaldi.

- Haldið eyga við okkara fýra yndis nøvnum, skrivar GAFFA, sum hevur kosið føroysku Tamaru til ein av teimum tónleikarunum, sum fólk skulu lurta eftir.

Hon er 21 ára gomul, uppvoksin í Fuglafirði við tansaniskum røtum, búsitandi í Danmark har hon ger tónleik, og hevur klárað seg avbera væl. Tú kennur kanska hennara fyrsta staklag "Solo Crowd", ið endaði ovaliga á "Bobler - Upcoming" listanum hjá DR P3.

- Eg havi eingin orð, sigur Tamara, sum er bergtikin av móttøkuni og teimum rósandi orðunum, sum hon hevur fingið tað seinastu tíðina.

Bill Justinussen, sum hevur myndað føroyskan politikk í 20 ár, fall á løgtingsvalinum fyrr í mánaðinum.

- Fallið var væntandi, sigur politiski tungvektarin, sum harmast um, at etisku virðini fylla so nógv rundan um flokkin, sum hevur so nógv annað at bjóða.

Bill Justinussen heldur eisini, at tað var ein skeiv avgerð, tá Miðflokkurin tók seg úr samgongusamstarvinum, eftir at Bárður av Steig Nielsen, koyrdi Jenis av Rana frá sum landsstýrismaður.

Men meirilutin í leiðsluni ynskti tað øðrvísi.