Gestir hesaferð:

Katrin Petersen

Eyðbjørg Højgaard

Rúnar Reistrup

Eyðun Nolsøe

Katrin Petersen var festivalstjóri á Mjús. Festivalurin, ið hevði miðstøð Niðri á Sand heima á Sandi, var hildin tvær ferðir. Seinnu ferð í 2006.

Tað var árið, tá tað eydnaðist Mjús at fáa avtalu í lag við heimskendu, Bonnie Tyler.

Hetta vísti seg at blíva ein minnilig ferð.

Ofta hevur verið ført fram, at tað ikki er so farligt, um ung fólk fáa covid. Tey eru væl fyri og tola tað.

Onkuntíð hoyrist kortini um ung við covid, sum eru blivin ógvuliga illa fyri.

Í morgunsendingini verður tosað við fýra ung fólk, sum fortelja, hvussu tey hava upplivað koronu. Eisini fortelur Bjarni á Steig, yvirlækni og heilsufakligur ráðgevi, millum annað hví tað er so ymiskt, hvussu fólk verða rakt av koronu.

Gestir hesaferð:

Petur Hans Dahl

Bjarni á Steig

Anja Magnussen

Maria Suma Poulsen

Hallur Gregersen Andreasen

Janus Kristiansson

Porkerisdaman Maureen Djurhuus Clarke hevur klárað nakað, sum lutfallsliga fáar kvinnur megnað.

Fyrradagin fekk hon koyrikort í Saudi Arabia, har hon hevur búð seinastu 2 árini.

Hetta hevur verið ein sera drúgv og knortlut tilgongd, tí tað hevur tikið Maureen hálvtannað ár at fáa koyrikortið. Orsøkin er, at hon er kvinna í Saudi Arabia.

Gestir hesaferð:

Maureen Djurhuus Clarke

Mirjam & Janus

Esther Djurhuus

Oddbjørg Johansen

Hoyr fuglafrøðingarnar, Silas Olufson og Jórun Pólsdóttir, greiða frá.

Morgunsendingin, hósdagin 3. juni.

Gestir:

Silas Olufson og Jórun Pólsdóttir - fuglatátturin

Janus Joensen og Finnbjørn Vang - trýsttangi til viðgerðir

Katrin á Neystabø - skúlaleikir

Sanna Bæk Hoydal - við í ungdómsrøð

Morgunsendingin, mikudagin 2. juni

Gestir:

Helena í Kálvalíð, Jórun Gudmundsen - Ferðast ígjøgnum lívið

Jónfinn Stenberg - UFO kjallarin

Ruth Vang, Niklái Nysted, Ólavur í Geil - Cryptopia

Brestir Bjarnastein Restorff - Tjalding

- Eg var bangin fyri at doyggja, og bangin fyri teimum fylgisjúkunum, sum diabetes hevur við sær.

Orðini eigur 55 ára gamla Maud Wang Hansen úr Nólsoy.

Í fleiri ár var Maud Wang Hansen forkvinna í Pedagogfelagnum og javnan at síggja í almenna rúminum. Men tá fólk síggja hana í dag, eru tað fleiri, ið ikki kenna hana aftur.

Seinasta hálvtannað árið er hon lætnað 45 kilo, og tað hevur hon gjørt við nýggjum kost- og rørsluvanum.

Í morgunsendingini greiddi Maud Wang Hansen frá lívsstílsbroytingini, sum hevur givið henni eitt lættari lív.