Av tí at oyggjaleikirnir á Guernsey í ár eru avlýstir vegna korona, so hevur ÍSF gjørt av at skipa fyri líknandi kapping í Føroyum. Føroyaleikir vera í døgunum 8. til 11. juli 2021.

Leikirnir skulu fevna um allar 24 ítróttargreinarnar, sum ÍSF umboðar og kappast verður í fýra ymsum kommunum kring landið. Kommurnar, sum fara at hýsa fyrstu Føroyaleikum, eru Tórshavn, Vágur, Klaksvík og Runavík.

Andras Nolsøe, ráðgevi í ítróttarsambandinum og samskipari av Føroyaleikum, vitjaði morgunsendingina og greiddi nærri frá.

Pína, nógv luft í búkinum og leyst lív.

Soleiðis verða summi fólk ávirkað, tá tey drekka ella eta mjólkarúrdráttir. Tá kunnu tey hava laktosuintoleransu.

Men hvat vil tað siga at hava laktosuintoleransu, og hvat kanst tú sjálv ella sjálvur gera fyri ikki at blíva illa fyri?

Hetta er nakað av tí, sum Poula Patursson, kostráðgevi og kliniskur diætistur, fortelur um í morgunsendingini. Harafturat svarar hon spurningum frá lurtarum.

Gestir hesaferð:

Bárður Johannesen

Álvur Hansen

Anna Hydepol

Poula Patursson

Vit eru musikantar fevnir um barnasangir nýggjar og eldri sálmar, dansiløg, føroysk kvæðaløg og skjaldur eins og sangir úr sunnudagsskúla og fólkaskúla.

Børnum dámar at spæla løg, sum tey kenna úr gerandisdegnum og duga at syngja.

Tá ið tú skalt læra at spæla eitt ljóðføri, er nógv at seta seg inn í senn: ljóðføri, motorikk, nótar og tónleikastykki.

Um tú kennir lag og tekst frammanundan, fært tú betur hugsavnað teg um at handfara ljóðførið, sigur Anna Hüdepohl.

Í gjár bar til at síggja sendingina hjá Danmarks Radio, "Kongshúsið í Føroyum".

Í sendingini slapp Fríðrikur krúnprinsur at uppliva modernaðu Føroyar, sum sagt verður í sendingini.

Umframt at vitja Trónd Patursson, rudda í eini gjógv og fáast vid føroyska gastronomi, so slapp krúnprinsurin eisini á flot saman við Mortani Johannesen.

Hoyr Mortan greiða frá í morgunsendingini um upplivingina saman við krúnprinsinum. Millum annað fortelur hann, at hann spurdi krúnprinsin um hansara kontonummar, so veiðan kundi avreiðast í líka partar.

Morgunsendingin, týsdagin 25. mai

Gestir:

Petur Hans Dahl - Veðrið

Mortan Johannesen - Vitjan av krúnprinsinum

Pál Weihe - Korona

Frank Davidsen - Skúlakoyring

Tá Frank Davidsen fór undir at koyra skúlakoyring við næmingum í Sørvágs skúla, var tað tí hann ætlaði at gera skiftið frá arbeiðsmarknaðinum til pensjonistatilveruna, lagaligari.

Hann skrivaði undir ein trý ára sáttmála. Hetta eru góð 13 ár síðani. Men í summar gevst Frank Davidsen.

– Mær hevur bara dámað hetta betur og betur. Børnini eru ómetaliga góð at fáa við.

– Eg havi ikki hoyrt eitt øvut orð nakrantíð, leggur Frank dent á.

Á túrinum, sum morgunsendingin er við skúlabussinum, verður tosað um mangt og hvat.

Jórun Simonsen er varaleiðari á ergo- og fysioterapideildini á Landssjúkrahúsinum. Hon tekur sær millum annað av krabbameinssjúklingum, sum hava tørv á endurvenjing.

Jenis av Rana hevur ivaleyst hevur rætt í tí, at vit ikki vita alt um møguligar seinfylgjur av koppseting. Men alternativið er, at tú kanst fáa koronu, og langtíðarárin av sjúkuni eru nógvar ferðir størri. Tað sigur Marnar Fríðheim Kristiansen, granskari og lækni.

Søguliga hava koppsetingar havt ógvuliga fá hjáárin. Tó hava tað í einstøkum førum verið hjáárin. Hesi hava tó altíð víst seg innan tveir mánaðir eftir koppseting, leggur læknin dent á.

– Tú fært ikki øll sjónarmið um koppsetingina fram, tí fólk tora ikki at siga, at tey ivast, sigur Jenis av Rana, sum heldur, at hetta er ein trupulleiki.

Jenis av Rana, landsstýrismaður, fer ikki í bræi at lata seg koppseta ímóti COVID-19. Hetta stóð at lesa á Vágaportalinum, vp.fo, í gjár.

Greinin og ikki minst útsøgnin frá Jenisi av Rana, hevur fingið nógv uppmerksemi.