At samkomar fara í tvíningar kemur fyri viðhvørt. At tvær samkomur leggja saman er hinvegin sjáldsamt.

Hetta hendi tó í Klaksvík sunnudagin, tá Soli Deo Gloria og Karis løgdu saman.

Fyri 12 árum síðani fór ein sáttargerð fram millum tey, sum valdu at fara úr Soli Deo Gloria um aldarskiftið, og tey sum vóru eftir.

Man valdi at góðtaka, at tað nú vóru tvær samkomur, og vælsigna hvør annan í tí verkinum, sum man stóð í.

Um sameiningina verður sagt, at vit meta at samkoman verður meir dynamisk.

Um ikki so langa tíð er ætanin, at fólk kunnu uppliva livandi hemarar í Sjósavninum. Føroya Sjósavn er í løtuni í holt við at byggja eitt risa kar til endamálið.

Hemarin fer at svimja í 650 tonsum av sjógvi. Sjálvt gólvmálið í karinum er 314 fermetrar.

Tað er David Geyti, sonur Bjørka Geyti, leiðara á Sjósavninum, sum eigur hugskotið at gera stóra karið til hemarar.

Karið er eitt frumsnið, og verður eitt umbygt og útbygt Føroya Sjósavn til veruleika, er ætlanin, at eitt líknandi kar verður í savninum.

Morgunsendingin, fríggjadagin 14. mai

Gestir:

Bjørki Geyti, David Geyti og Magnus Gaard - Hemarar í Sjósavninum

Maybritt við Strond - Lesi- og skrivitøkni

Eilas á Skipagøtu - Hondbóltur

Morgunsendingin, mikudagin 12. mai.

Gestir:

Hans Jørgen Djurhuus og Oddbjørn Joensen - taklingar í fótbólti

Arnfinnur Thomassen og Torgir Strøm - bátasøgur úr Hvalba

Maibritt Jacobsen - stuldur av føroyskum klæðum

Haraldur S. Hammer - gartnarin svarar spurningum frá lurtarum

Morgunsendingin, týsdagin 11. mai

Gestir:

Sámal Hansen - Hjálparfólkafelagið

Theodor Eli Dam Olsen - Um Johannes Møllehave

Óli Jógvansson - Smáttur í Mikladali

Gunnvá Zachariasen - Hópfígging til Ó

Gjáramorgunin bórust boðini, at Johannes Møllehave er deyður 84 ára gamal, eftir at hava verið sjúkur í nógv ár. Møllehave var kendur sum prestur, rithøvundur, fyrilestrarhaldari, yrkjari og íðin kjakari.

Theodor Eli Dam Olsen, prestur, hevur fingið nógvan íblástur frá Møllehave, og hevur eisini verið so heppin at hitt hann. Theodor vitjaði morgunsendingina, har hann hugleiddi um Johannes Møllehave.

Hjálparfólkafelagið heldur, at tað eru skeivleikar í starvfólkabýtinum á dagstovnaøkinum - bæði tá talan er um hvussu nógvir námsfrøðingar skulu vera í mun til hjálparfólk, og hvussu arbeiðsuppgávurnar skulu deilast millum námsfrøðingar og hjálparfólk. Hetta er beinleiðis størsta orsøk til manglandi stabilitet á økinum, sigur Sámal Hansen, formaður í Hjálparfólkafelagnum.

Herfyri legði Búskaparráði fram eina temafrágreiðing um tørvin á starvsfólkum á vælferðarøkinum 10 tey næstu árini.

Eitt nú á dagstovnaøkinum er starvsfólkatørvurin sera stórur.

Sparingar og skerjingar hava stóra ávirkan á børnini, sum eru á dagstovni, heldur Jóhannes Miðskarð. Hann er granskari og undirvísir á námsfrøðiliga økinum.

Gestir hesaferð:

Petur Hans Dahl - veðrið

Jóhannes Miðskarð - sperda dagstovnaøkið

Frida Augustinussen - súkklur til sjúklingahotellið í Keypmannahavn

Leygardagin var ein serstøk løta á Sjúklingahotellinum Tórshavn í Keypmannahavn.

Tá fekk hotellið handaðar tvær christianiasúkklur, sum fólk, ið búgva á hotellinum, kunnu brúku.

Hugskotið eigur Frida Solbjerg Augustinussen, ið er umboð í foreldrabólkinum hjá Krabbameinsfelagnum og partur av Team Rynkeby Føroyar liðnum í ár.

Sonur teirra, Jónhard, hevur verið í krabbameinsviðgerð.

Síðani 2018, tá familjan flutti heim aftur til Føroya, hevur tað at skaffa eina súkklu til sjúklingahotellið verið ynski og hjartamál hjá Fridu.