Longu tá hann var fimm ára gamal, plagdi hann at hava framførslur fyri hinum børnunum í dagrøktini.

Eftir at gittarin var komin í hús, sat Fróði Bjarnason í fleiri ár heima og skrivaði tónleik. Tá vóru tað bara nøkur fá í nærumhvørvinum, sum hoyrdu tað, ið hann skrivaði.

Seinni, í 2016, kom hann í samband við trummusláaran og slagverksleikaran, Tórð Dam Jacobsen.

Tað var ein nýggj verð, sum læt seg upp tá.

Vit kenna fleiri dømi um, at føroyskir sangir eru umsettir til annað mál. Men tað má vera eindømi, at ein føroyskur sangur nú er umsettur til elvdalsk. Tað snýr seg um sangin 'Lukkan er ei gullið', sum Kemm Poulsen hevur yrkt og Jens Marni Hansen hevur gjørt lagið til.

Elvsdalsk er eitt heilt serligt samansett norðurlendskt mál, sum ein lítil málbólkur í Svøríki tosar. Tað verður mett, at einans 3000 fólk duga málið.

- Eg haldi, tað er sera stuttligt, at sangurin er umsettur til elvdalsk. Serliga tí hetta er eitt serstakt mál.

Gestir hesaferð:

Kemm Poulsen

Jens Marni Hansen

Svenn Martinsson

Fróði Bjarnason

Kristina Christansen

Fyrsta november í 1983 bleiv Kristina Christiansen sett í starv sum politinæmingur í Danmark.

Eftir lokna útbúgving, í 1986, bleiv hon fyrsti kvinnuligi politistur í Føroyum.

Eftir eina drúgva yrkisleið í fakinum hevur hon nú takkað fyri seg.

Onkrar løgnar støður hava tikið seg upp, ásannar Kristina.

Eitt nú hevur hon upplivað, at fólk hava ringt á støðina. Tá hon hevur tikið telefonina, hevur røddin í hinum endanum sagt, at viðkomandi ætlaði at tosa við ein politist.

- Tú tosar við ein politist, hevur Kristina tá svarað.

Ungdómstoymið hjá Kringvarpi Føroya, Biit, var til finaluna, tók upp og gjørdi samrøður. 

Rólant Waag Dam hevur lagt innslagið til rættis.

Í farnu viku talaði Alzheimerfelagið at eini orðing, ið stóð sum yvirskrift í einum lesarabrævi frá Jógvan Páll Lassen.

Yvirskriftin var "Hevur Astrup Alzheimer?"

- Avvarðandi hava verið stoytt av hesum, og eisini tey, sum eru sjúk. Tey fylgja eisini við í tí, sum hendir í almenna rúminum, og hetta er ein bólkur í samfelagnum, sum ikki kann svara fyri seg, sigur Ann-Mari Jensen, forkvinna í Alzheimerfelagnum.

Hon heldur, at tað er sera óheppið, at Jógvan Páll Lassen velur at brúka orðið Alzheimer í lesarabrævinum.

Morgunsendingin, mánadagin 3. mai

Gestir:

Petur Hans Dahl - veðrið

Ann-Mari Jensen og Jógvan Páll Lassen - Alzheimer yvirskrift

Biit - Sement

Fróði Mortensen - Førka

Tað eru 90 ár síðan fransiskanarasystrarnar komu til Føoya. Tá fóru tær alt fyri eitt undir skúlavirksemi, og tær stovnaðu fyrsta barnagarð í Føroyum. Seinni kom eisini vøggustova. Tað munnu eftirhondini vera fleiri túsund føroyingar, sum antin hava gingið í skúla, barnagarði ella í vøggustovu hjá nunnunum.

Tá flest nunnur vóru í Føroyum, vóru tær 24 í tali. Nú eru tær bert fimm eftir.

Morgunsendingin vitjaði fransiskanarasystrarnar í kleystrinum við Varðagøtu.

Morgunsendingin, hósdagin 29. apríl

Gestir:

Silas Olofson og Jórun Pólsdóttir - Fuglatátturin

Armgarð Arge - Dýri biðidagur

Sigvør Laksá og Michael Anthony Charles Johannesen - G! festivalurin

Fransiskanarasystrarnar Maria, Marisa, Cecilia og Louisa - nunnurnar 90 ár í Føroyum

Dunnur hava als ikki gott av at eta breyð.

Neyvan hugsa vit um tað, tá vit fara út í náttúruna at geva dunnum breyð, tí hetta er jú nakað, mann hevur gjørt í nógv ár.

Men hvørki dunnurnar ella umhvørvið hava gott av breyði.