Morgunsendingin, hósdagin 20. mai.

Gestir:

Jórun Pólsdóttir og Silas Olufsson - fuglatátturin

Jenis av Rana - vil ikki koppsetast enn

Marnar Fríðheim Kristiansen - lækni og granskari fyri koppseting

Sámal Bláhamar - heilsudepil á sjónum

Tórhild Bærendsen - ársins sjúkrarøktarfrøðingur

Ein eldsál, ið hevur staðið á odda fyri at fremja batar við tí endamáli, at sjúklingurin fær bestu røkt og viðgerð. Hon er sera góð við sjúklingarnar og er ein avbera góður starvsfelagi, sum altíð er til reiðar at hjálpa.

Soleiðis sigur Felagið Føroyskir Sjúkrarøktafrøðingar millum annað um ársins sjúkrarøktafrøðing 2021, sum er 69 ára gamla Tórhild Bærentsen.

Seinastu 38,5 árini hevur Tórhild Bærentsen arbeitt sum sjúkrarøktafrøðingur á skurðgongini á Landssjúkrahúsinum.

Vel ein ítrótt, tær dámar. Íðka einar tvær til tríggjar ferðir um vikuna. Og hugsa um, hvat tú etur.

Tað er í stuttum uppskriftin frá Toni Dam, persónligur venjari, tá fólk vilja lætna.

Men í verki er tað kanska ikki eins einfalt og tað ljóðar, tí fleiri ymisk viðurskifti gera seg galdandi.

– Tað vísir seg, at styrkivenjing er sera munagóð venjing, tá tú vilt lætna, sigur Toni Dam.

Í morgunsendingini tosaði hann um evnið umframt at svara spurningum frá lurtarum.

Føroya Pro Vita, sum er felagsskapurin, ið virkar fyri at verja ófødda barni, leitar nú eftir ambassadørum.

- Tað er ikki soleiðis, at vit skulu gera uppsøkjandi arbeiði, men ætlanin við ambassadørum er, at tey skulu fáa ta røttu vitanina, tá tað snýr seg um fosturtøku og harvið verða betur før fyri at luttaka í kjaki í almenna rúminum og aðrastaðni.

Tað sigur Gudny Rasmussen, forkvinna í Føroya Pro Vita.

Í morgunsendingini greiddi hon frá hugskotinum handan ambassadørarnar.

Morgunsendingin, mikudagin 19. mai

Gestir:

Bjarni Nattestad - Skulkidagar og vandi í ferðsluni

Heri Andreassen - Fingramerki

Gudny Rasmussen - Pro Vita

Toni Dam - Persónligur venjari

Leivdir úr matpakkanum verða brúktar til tøð. Pappír, sum annars skuldi burtur, verður endurvunnið, og so er eingin einnýtisborðbúnaður at finna.

Í Skála skúla gera lærarar og næmingar nógv við at ansa eftir umhvørvinum. Og hetta dámar Føroya Lærarafelagið so mikið væl, at felagið í ár hevur valt at lata veðurlagsvirðislønina og 25.000 krónur til Skála skúla.

Í hesum døgum hava nógvir næmingar endaveitslur av tí at, tey hava havt seinasta skúladag. Men foreldur og næmingar eru ikki samd um, hvørt endaveitslurnar skulu vera rúsfríar.

Skulu tey bíða við at njóta rúsdrekka, til tey eru 18 ár? Er tað ok, at tey smakka sær á, men at tað hendir undir tryggum umstøðum, har foreldur eru - ella skulu tey fáa frið til at hugna sær?

Og um tey óansæð ætla at smakka sær á, hvønn leiklut spæla foreldrini so? Skulu tey fáa okkurt at drekka frá foreldrunum, ella ikki?

Djóraskráseting Føroya er ein dátustovnur og leititól fyri merkt djór í Føroyum. Hugskotið eigur Annika Patursson Nørspang, djóralækni.

Í starvi sínum upplivir hon javnan, at vilst og skadd djór ikki altíð fáa neyðugu viðgerð, tí tey ikki eru merkt ella skrásett.

Av tí sama ber ikki til at fáa fatur í eigaranum.

Tey, sum kunnu fáa upplýsingar í dátustovninum, eru løgreglan, kommunur, Djóraverndarfelagið og djóralæknar.

Fyri at kunnu skráseta djór mugu tey fyrst verða chipmerkt.

Morgunsendingin, týsdagin 18. mai

Gestir:

Óli Rubeksen - SSP

Ægir Østerø - Endaveitslur

Annika Patursson Nørspang - Djóraskráseting Føroya

Kristina Roarsdóttir Ellendersen, Helgi Abrahamsen - Uppihaldsloyvi

Nomi Jacobsen, Jakobina Bergsdóttir, Fríða Eiriksdóttir Borgarlíð  - Ársins veðurlagvirðisløn

Gestir hesaferð:

Petur Hans Dahl

Jóhann Fagraklett

Súsanna Berg

Ingvard Fjallstein

Rói Norðoy

Hallgerð Akurstein