Hoyr sendingina her:

Luttakarar, Eyðfinn Magnussen, Petur Háberg, Tóra Petersen, Djóni Eidesgaard og Erik Biskupstø

Annan og triðja jóladag sendir útvarpið dokumentarrøðina, Út við BBC - inn við MTV.

Báðar sendingarnar snúgva seg um stríðið, ið tók seg upp 1. juli 1995, tá býráðið sløkti fyri MTV á Rás Tórshavn.

Harvið lat einasta vindeygað hjá ungdóminum í Havn aftur.

Tað endaði við, at ungdómurin í Havn gjørdi bart og gekk mótmælisgongu oman í býráðssalin.

Finnur Koba, sum hevur lagt sendingarnar til rættis, greiðir frá.

Á sjeynda ári skrásetur Eyðfinn Magnussen, lektari í lívfrøði á náttúruvísindadeildini á Fróðskaparsetrinum, harur, ið verða skotnar í Føroyum í novembur og desembur. Hann sigur, at talið av skrásetingum higartil er minkandi. Hann væntar tó at fáa fleiri skrásetingar inn í januar mánaða, tá harutíðin er av á hesum sinni.

Happing fer fram millum børnini á føroysku dagstovnunum. Tað vísir úrslitið úr kanningini, sum Barnabati hevur gjørt millum starvsfólk á dagstovnaøkinum.

Kanningin er gjørd sum ein liður í átakinum "Betri Vinir", sum snýr seg um at steðga happing. sigur Djóni Eidesgaard, aðalskrivari hjá Barnabata.

- Happing hevur stóra ávirkan á tann, ið verður happaður. Viðkomandi kann fáa sálarligar sjúkur og hava trupult við innlæringini, sigur Tóra Petersen, sálarfrøðiligur ráðgevi hjá Barnabata.

Í samband við útvarpsdokumentarkappingina, sum Kringvarp Føroya hevur skriva út, fer Margarinfabrikkini at hava verskstovu í januar.

Verkstovan er ætla ungum frá 15-25 ár og ætla vit at koma inn á allar tær ymsu fasettirnar av at gera eitt podcast.

Petur Háberg er verkstovuleiðari, og her greiðir hann frá møguleikunum.

100 ár eru liðin síðani fyrsta kvinna stillaði upp og varð vald í kommunustýrið í Føroyum. Demokratia hevur av hesi orsøk úr hondum nýggja bók, sum eitur "Kvinnur í Kommunupolitikki".

- Henda bókin hevur stóran týdning, tí hon er søgan um byrjanina hjá kvinnum, sum fóru uppí politikk og álitssessar annars, sigur Marna Jacobsen, sum hevur ritstjórnað bókina.

Elin Reinert Planck, dagligur leiðari í Kvinnuhúsinum, hevur gjørt nógv burtur úr at pynta til jóla. Kvinnurnar og børnini, ið búgva her, skulu eisini merkja hitan frá jólunum.

Plásstrot hevur eisini merkt Kvinnuhúsið serliga nógv í ár. Dagligi leiðarin greiðir frá, at tey hava upplivað fimm ferðir, at givið kvinnum, ið ynskja at búgva har í eitt tíðarskeið, noktandi svar.

Hoyr sendingina her

Luttakarar, Øssur Debes Eiriksfoss, Marna Jacobsen, Malan Eyðunsdóttir og Elin Reinert Plank

Barsilsskipanin hevur stóra ávirkan á onnur viðurskifti í samfelagnum. Bæði tá talan er um javnstøðu, tilknýti til barnið og arbeisðmarkna.

Samgongan hevur sett sær fyri at leingja rættin til barsilspening til eitt ár.

Samferðslumálaráðið hevur lagt uppskot fram, sum snýr seg um at leingja barnsburðarfarloyvið við tveimum vikum. Pápin fær rættin til ta einu vikuna, meðan foreldrini sjálvi gera av, hvør teirra nýtir rættin til hina vikuna.

Hoyr sendingina her,

Luttakarar, Petur Hans Dahl, Heðin Mortensen, Ólavur Ellefsen, Signar í Homrum, Sólvá Jónsdóttir og Jón Brian Hvidtfeldt.