Gestir hesaferð:

Andrias Klein Gregoriussen

Christian í Garði

Einar Eyvindson Toftegaard

Jóna Guttesen

Bindikona, heimasjúkrasystir, lokalpolitikari og lastbilførari.

Hesar eru nakrar av teimum kvinnunum, sum á ymiskan hátt hava og hava havt stóran týdning fyri Kollafjørð.

- Hetta eru alt kvinnur, sum í tí stilla hava gjørt eitt stórt arbeiða, og sum vit í Kollafirði eru errin av, sigur Miriann N. Dam, sum skipar fyri framsýningini í sambandi við Kollafjarðardagar.

Í sendingini vóru

Andrias Klein Gregoriussen

Miriann N. Dam

Birna Mikkelsen

Henning Hjalt Nicodemussen

Fríði Sigmundsson

Fyri at heiðra Martin Joensen á 70 ára degnum, beyð Góðan Morgun Føroyar øllum at syngja Ró saman við okkum, og síðan at senda eina upptøku til okkara. Ikki kann sigast annað enn, at Føroyar vóru við.

Her er ein samanseting av fleiri av teimum nógvu upptøkunum, sum vit fingu.

Nunnur og munkar í kleystri liva í áravís eftir vanum, sum ikki bert eru ætlaðir teimum, men eisini okkum, sum ikki búgva í kleystri.

- Ferðin í samfelagnum er høg, og vit síggja, at bæði børn, ung og vaksin stríðast við ymiskt. Tí haldi eg, at vit prestar eisini eiga at vísa á, hvussu eitt nú munkaskipanin og kirkjusøga kann hjálpa og vegleiða, sigur Derhard Jógvansson. Í næstum skipar hann fyri skeiði, sum ber heitið "Munkavanar til gerandisfólk".

Frá barnsbeini hevur Levi Heinesen verið vanur við fleyga lunda á Viðareiði. Nú hevur hann fingið íblástur til eitt hugskot, sum skal fáa lundan at støðast betur.

Hugskotið gongur út uppá, at "falskir" lundar verða settir niður fyri at lokka lundan til. Hesir eftirgjørdu lundarnir eru antin myndir av lundum ella skurðmyndir av lundum, so tað sær út sum um, at nógvur lundi er á staðnum. Á tann hátt fær mann skipa, hvar lundin heldur til og trívist á einum staði.

Eisini er ætlanin at grava holur, sum lundin kann brúka og gera til sína egnu.

Gestir hesaferð:

Tjóðhild Patursson

Hanus Kjølbro

Jan Erik Simonsen

Levi Heinesen

Derhard Jógvansson

Upprunin til føroyska bátin er norrøni súðubygdi báturin, sum er í minsta lagi 2000 ár.

Føroyski báturin er lagaður eftir føroyskum viðurskiftum og umstøðum. Mett verður, at hetta er hent í 1600 árunum.

Harvið hevur føroyski báturin havt stóran týdning fyri liviumstøðurnar í Føroyum.

Soleiðis stendur í bókini, Føroyski báturin - bátur og bátasmíð, sum Sandavágs bygdarsavn og Sandavágs Fornminnafelag hava givið út.

Jan Erik Simonsen varðar av partinum um føroyska bátin, og Heini F. Petersen hevur skrivað um bátar og bátasmíð.

Tá danski astronauturin, Andreas Mogensen, fór á Altjóða Rumdarstøðina, hevði hann fleiri forkunnugar lutir úr kongaríkinum við sær.

Úr Føroyum er Merkið, ravnafjarðar og eitt ullint slips hjá Williami Heinesen.

Tankin er, at lutirnir, sum verða avmyndaðir á rúmdarstøðini, skulu geva okkum og øðrum høvi at hugsa um, hvørji vit eru, og hvat vit vilja umboða.

Eisini er vónin, at hetta kann geva ungum íblástur til at velja sær eina yrkisleið, ið hevur samband við rúmdina og rúmdargransking.

Gestir hesaferð:

Hanus Kjølbro

Eyðun Gaard

Sigrfríður Sólsker

Elisa Heinesen

Sølvá Jansdóttir Joensen