Klokkan átta í kvøld byrjar dysturin í Slovakia millum Slovan Bratislava og KÍ. Hetta er fyrstu ferð í søguni, at eitt føroyskt fótbóltsfelag spælir í einum evropeiskum bólkaspæli.

Feløgini bæði hava eina ávísu søgu. Ætlanin var, at tey skuldu spæla í Klaksvík í 2020, men Champions League-dysturin var ikki spældur, tí koronusmitta rakti Bratislava. KÍ vann tí uttan dyst.

Tað hevur ljóðað, at hendingin ger, at ein ávísur illvilji er í Slovakia móti føroyska felagnum í Slovakia.

Kalendarin sigur september, tað er vorðið kaldari, og dagarnir styttast.

Men tað merkir ikki, at løturnar úti í urtagarðinum eru av, tí ávíst urtagarðsarbeiðið skal nettupp gerst hesa tíðina á árinum.

Í morgunsendingini fáa vit góð ráð frá gartnaranum, Haraldi Símunarson Hammer.

- Vit hava staðfest Giardia hjá hundum og kettum hvønn dag. Vanliga hevur hetta verið einaferð um mánaðin.

Tað sigur Annika Nørspang Nolsøe, djóralækni.

Nógvu tilburðirnir hava eisini fingið Heilsufrøðiligu starvsstovuna at rópa varskó og heita á fólk, um at hava vakið eyga við hundum og kettum.

Seinastu tíðina hevur sníkurin, Giardia, av álvara gjørt um seg í øllum Føroyum. Talan er um ein sník, sum livir í tarmunum hjá serliga hundum og kettum, men eisini hava onkrar kaninir fingið staðfest Giardia.

- Sum í himli so á jørð. Tað er tað, tað snýr seg um.

Orðini eigur Tummas Jacobsen, sum er partur av leiðslubólkinum í Filadelfia.

Hvítusunnusamkoman, sum byrjaði í Føroyum 1972, kundi tann 16. september í ár hátíðarhalda, at tey í 50 ár hava hildið til á Landavegi 22 í Havn.

Í morgunsendingini hyggja Marner við Skipá, Ása Olsen og Tummas Jacobsen aftur á hesi 50 árini hjá samkomuni.

Sjálvt um føroyingar ikki brúka so nógv frímerki longur, so vera tey enn framleidd - tey føroysku frímerkini. Tað nýggjasta er eitt kryptofrímerki, sum bæði hevur eina fysiska og eina talgilda tilveru.

Talgilda kryptofrímerkið er samstundis hitt síðsta hjá Svanbjørg Manai, sum í 47 ár hevur starvast á frímerkjadeildini hjá Posta, og latið bæði føroyingum og útlendingum føroysk frímerki.

Serliga eru tað savnarar uttanlands, sum hava áhuga fyri føroyska frímerkinum, tí tað er eksotiskt.

Gestir í sendingini eru

Vár Honnudóttir

Andrias Klein Gregoriussen

Svanbjørg Manai

Annika Nørspang

Haraldur Símunarson Hammer

Gestir:

Trónd Olsen

Tummas Jacobsen

Marner við Skipá

Hávardur Vatnhamar

Hallur Holm

Ítróttur hevur altíð fylt nógv í lívinum hjá Hávardi Vatnhamar. Men ein arbeiðsvanlukka á sjónum broytti lívið, tá hann sum 16 ára gamal misti stóran part av høgra armi.

Ítróttaliga hevur Hávard tikist bæði við fótbólt, renning, súkkling og triatlon. Tey seinnu árini hevur hann eisini gjørt vart við seg innan paraítrótt.

Hávard arbeiðir nógv fyri at fremja paraítrótt í Føroyum, og fyri hann hevur tað týdning, at ítrótturin fevnir um alt landið:

Tað helt Cristian í Garði, sum saman við Einari Eyvindson Toftegaard hevur fyritøkuna Føroyakips.

Teir eru byrjaðir í smáum í hølum hjá iNova, har teir skera epli í flísar við hond, áðrenn teir ganda fram broyskin kips við trimum ymsum kryddmøguleikum.

- Tað er undarligt, at tað ikki ber til at fáa føroysk kips, tá hugsað verður um, at epli veksur so væl í Føroyum, uttan brúk av vakstrathúsi ella øðrum, sigur Cristian.

Føroyakips byrjar við trimum sløgum av kipsi. Salti, salti og pipari og tarasmakki. Orsøkin til hesi trý er einføld.

Á dagstovninum við Stórheygg í Hósvík er tað ikki bert námsfrøðin og børnini, sum fylla í gerandisdegnum. Har verður eisini gjørt nógv fyri at vera ein umhvørvisvinarligur stovnur. Hetta hevur eisini eydnast teimum so mikið væl, at tey í fjør vunnu heiðurin sum "ársins grøni stovnur".