- Hetta er eitt deiligt arbeiði, og eg trívist væl. Komi í samband við nógv fólk og fái prátað nógv.

Soleiðis sigur Petur Petersen, sum í dag er bussførari.

Tey flestu munnu annars seta Petur Petersen í samband við bryggjaravinnuna, sum hann annars hevur verið í so at siga alt sítt lív.

Men í summar valdi hann at fara í farloyvi.

- Um ikki eg tók avgerðina og royndi hetta lívið, so hevði eg angrað tað seinni.

Tað tók sína tíð at taka avgerðina at flyta frá námsfrøðiliga leiðslustarvinum til at gerast persónligur venjari, men avgerðin er tikin og Annika er væl nøgd.

- Eg havi altíð elskað at venja, og havi gjørt tað leingi. Eg havi eisini havt tímar í eina tíð, men kundi hugsað mær at gera hetta fulla tíð, og so var tað nú ella aldrin, sigur Annika men leggur afturat, at hetta ikki merkir, at hon nú hevur sagt gamla fakinum farvæl med alla.

Gestir í sendingini eru:

Jón Kragesteen

Hanus Kjølbro

Annika W Jacobsen

Petur Petersen

Solby Christiansdóttir

Finnur Hansen

Fólkapensjónistar eiga at venja. Ikki bara gera róligar rørslur, men teir skulu venja harðari, enn teir hava gjørt higartil.

Tí harða venjingin hevur fleiri fyrimunir. Hetta vísir gransking.

- Kanningar vísa, at tað í størri mun er ov lítil rørsla í gerandisdegnum, og ikki tað at mann verður eldri, sum ger, at vit vikna, tá vit koma upp á árini, sigur Hedevig Matras, deildaleiðari í Ven og virka, sum er fysioterapi- og ergoterapieindin í Norðoya Bú- og Heimatænastu.

Gestir hesaferð:

Hanus Kjølbro

Anfinn Nielsen

Hedevig Matras

Jóngerð J. Biskupstø

- Vit liggja upp at hvørjum øðrum, tá vit sova, og tá tú gert burtur av tær, situr ofta onkur undir liðini. Hetta er løgið í fyrstuni, men tú venur teg skjótt við tað, ásannar havrógvarin, Livar Nysted.

Manningin hevur verið á ferð í áleið fýra vikur. Tað hevur verið hart, men kortini hevur gingið væl, sigur Livar Nysted. Tíðarætlanin heldur framvegis.

Útnyrðingsleiðin er norðasta leið til Kyrrahavið. Síðani Roald Amundsen og hansara menn vóru fyrstir at royna hana í 1906, hava bara 352 skip silgt har.

Teir eru eyguni í náttini. Síggja alt tað, sum flest onnur ikki síggja. Antin tí tey sova ella eru rúsað.

Teir eru til arbeiðis, tá onnur fara í býin at taka sær av løttum.

Duravørðar. Tveir, sum hava verið duravørðar á barrum og dansistøðum í Havn í meir enn eitt áratíggju, eru Arnar Lognberg og Rógvi Larsen.

- Fyrr vóru fólk aloftast bara full, og tá var lætt bara líka at bera tey útum. Í dag síggja vit oftari fólk, sum eru ávirkað av rúsevnum og av tí sama eru nógv verri at fáast við, sigur Arnar Lognberg.

Gestir hesaferð:

Andrias Klein Gregoriussen

Livar Nysted

Arnar Lognberg

Rógvi Larsen

Í ár eru liðin 150 ár liðin, síðani fyrstu niðursetuhjúnini, Per og Nicolina Højgaard, settu búgv í Rituvík. Tey vóru ávikavist 20 og 19 ára gomul.

Nógv verður gjørt burtur úr í hesum sambandi. Hátíðarhaldið hevur fingið egið búmerki, sum Sjúrður Højgaard grafiskur sniðgevi hevur gjørt.

Seinni í ár verður konsert í kirkjuni, bókaframløga og fagnaðarguðstænasta, og leygardagin taka flestu rituvíkingar lut í stórum hátíðarhaldi í bygdini.

Annika Magnussen Gaard er 33 ára gomul og ættað úr Tjørnuvík. Hon hevur tikið útbúgving sum gudfrøðingur frá teologisku deildini á Universitetinum í Keypmannahavn á sumri 2022.

- Mær hevur altíð dámt væl at tulka tekstir, at fáast við filosofi og kirkjusøgu, so tí fall valið nokkso natúrliga á teologi.

Tað sigur Anniku um hví, hon valdi sær lívsleiðina sum prestur.

Hvønn prest kunnu fólk vænta sær á Tvøroyri?