Chanzuns da chors cun ina massa schlantsch e ritmus cumbinà cun chanzuns pli ruassaivlas. «Noss Chors» dattan oz ina giada in sguard sin chanzuns cristianas afroamericanas.

Chors cun resti da tuttas colurs che sautan en il ritmus durant chi chantan – quai è gospel. A l'entschatta dal 20avel tschientaner è quai gener sa sviluppà en l'America or dal Negro Spiritual cun influenzas dal Blues e dal Jazz. Il Negro Spiritual è in chant che deriva oriundamain dals sclavs dal 17avel tschientaner. Quellas chanzuns raquintan savens da la vita dals sclavs, da speranza e la cardientscha en Dieu.