Johan van Lill gesels met twee sielkundiges oor ouers wat hulle kinders oppiep en die gevolge daarvan. Ouers en versorgers sal alles doen om hulle kinders te beskerm. Wanneer is dit te veel dat dit hulle toekoms sal benadeel? Sommige ouers hardloop nader as hulle kinders struikel, of maak 'n afspraak by die dokter as daar net die geringste teken van 'n loopneus is. Party ouers bel selfs die kleuterskool al om die uur! Hoe weet jy as jy jou kind oppiep of nie? Hier is raad vir paranoïese ma's.

Johan van Lill gesels met 'n spelterapeut oor hoe gemaak as jou kinders gedurig baklei. Natuurlik droom ons almal dat ons kinders goed oor die weg sal kom, maar hoe gemaak as my kroos gedurig baklei? Wanneer ruk dit handuit en wanneer moet jy inmeng?

Johan van Lill gesels Aleit Swanepoel oor hoe om 'n kinderpartytjie aan te pak, presente vir kinders en aktiwiteite wat nie jou beursie sal leegmaak nie. Hulle praat ook oor die etiket rondom kinderpartytjies.

Johan van Lill gesels met dr. Melody de Jager oor binnesintuie. Mense dink gewoonlik aan aanraking, reuke, smake, gehoor en sig as die enigste sintuie, maar dit is almal buitesintuie. Die binnesintuie is die onsigbare sintuie en is noodsaaklik vir kinders se ontwikkeling.

Johan van Lill gesels met Hettie Brittz oor hoe besige ouers al die dinge wat hulle moet doen om kinders so goed as moontlik groot te maak, ingepas te kry.

Johan van Lill gesels met twee tuisbly pa's om te hoor hoe hulle dit ervaar om kinders groot te maak.