Í þessum þætti fjalla Þóra og Nína um fjármál og hvernig hæglætislíf styður við heilbrigð fjármál. Í þættinum bendir Nína á bókina "The barefoot investor" eftir Scott Pape. www.barefootinvestor.com.
Aðrir hlekkir á góð hlaðvörp um fjármál fyrir áhugafólk:
Leitin að peningunum: https://open.spotify.com/show/2hM42oDmVZObrg2LFulz0G?si=c877b0f72778498c
Peningakastið: https://open.spotify.com/show/3XUDkapGrOlgSNkcnN6UiJ?si=d76fa79bb27a4a62

Í þessum þætti ræðir Þóra Jónsdóttir við Dominique Plédel Jónsson, formann Slow food hreyfingarinnar í Reykjavík og á Norðurlöndum. Dominique er uppfull af dýrmætum fróðleik um Slow food hugmyndafræðina og um gagnsemi hennar fyrir lífríkið og samfélög. Mjög gott og upplýsandi spjall við konu sem hefur barist lengi fyrir vitundarvakningu þegar kemur að lífrænni ræktun og ábyrgri matvælaframleiðslu og neyslu. Slow food er einn þáttur hugmyndafræðinnar um hægara líf eða slow living. Gefið ykkur að leggja við hlustir með athygli og í hæglæti.

Í 10. þætti Hæglætishlaðvarpsins hittast Þóra, Ágústa Margrét og Nína og spjalla saman um markmið og hæglæti. Hvernig tengjast markmið hæglæti? Passar að setja sér markmið þó manneskja velji að lifa í hæglæti? Hvernig nýtast markmið hæglætislífi? Það er spennandi hvað hægt er að lifa auðugu lífi og gera margt og skemmtilegt í hæglæti. Þannig nýtast markmiðin nefnilega vel. Án þess að ætla að spilla hlustuninni ;) Vonandi njótið þið þess að hlýða á.

Í desemberþætti Hæglætishlaðvarpsins er fjallað um hátíðahöld í hæglæti, jól og jólaundirbúning í minna stressi og í núvitund. Þóra og Guðný Valborg spjalla um hefðir, tilgang þeirra og mismikinn heilagleika, leiðir til að einfalda lífið í jólaundirbúningi og um jól með minimalísku ívafi. Viðhorf okkar til jóla eru misjöfn eftir því hver bernskureynslan er, sumir upplifa jól sem töfrandi tíma en aðrir eru kvíðnir og stressast upp í aðdraganda jóla. Jólin eru hátíð barnanna, fullorðinna barna sem annarra barna. Jólin virðast töfrast fram í augum barnanna. En töfrarnir byrja og verða til með to-do lista einhverrar töframanneskju. Magnað nokk. Við vonum að þið njótið hlustunarinnar. Gleðilega hæglætis-jólahátíð.

Í 8. þætti Hæglætishlaðvarpsins tala þær Ingibjörg og Sólveig um hæglæti í huga. Þær tala um hvers vegna það er mikilvægt að huga að hugsunum sínum og ná stjórn á þeim. Hvaða aðferðir má nota til þess að hægja á huga og hvers vegna getur það reynst okkur gagnlegt í hröðum veruleika. Ingibjörg heldur úti síðunni streita-kulnun-hvíld á instagram og Facebook og Sólveig er með miðilinn utiveraogbornin á instagram.

Í 7. þætti Hæglætishlaðvarpsins spjalla Guðrún Helga og Þóra saman um fjarvinnu og hvernig það að vinna fjarvinnu getur stuðlað að hæglátara lífi. Guðrún Helga og Þóra vinna báðar fjarvinnu heiman að frá sér úr sveitinni, flesta daga vikunnar. Þær fjalla í þessum þætti um tengsl fjarvinnu og hæglætis, kosti og galla fjarvinnu og gefa góð ráð um hvernig hægt er að taka fyrsta skrefið í átt til fjarvinnu. Guðrún heldur úti instagram reikningnum Mommy needs to travel og Þóra er með Slow living Iceland á instagram.

Í þessum þætti heyrum við hugleiðingar Nínu Jónsdóttur, sem býr ásamt fjölskyldu sinni á Nýja-Sjálandi, um árstíðaskipti. Sérstaklega talar hún um haustið sem er hennar uppáhalds árstíð. Hún deilir með hlustendum fallegum hugmyndum til að hægja á og taka betur eftir sérkennum hverrar árstíðar og njóta betur, skapa minningar og nýta náttúruna til að skreyta umhverfi sitt. Notaleg hlustun.

Í þessum þætti spjalla hjónin Þóra Jónsdóttir og Eggert Þór Jónsson um lífið sittí hæglæti. Þau deila með hlustendum hæglætislífssýn sinni, segja frá ákvörðunum um að einfalda líf sitt með því að flytja úr borg í sveit, Eddi segir frá því hvernig hann ræktar hæglætið fyrir sig, þau spjalla um samskipti við börn með hæglæti og um góðar aðferðir fyrir barnafjölskyldur til að lifa hægara lífi.

Í 4. þætti Hæglætishlaðvarpsins spjalla Sólveig María og Guðný Valborg saman um hæglætislífsstílinn og hvernig þær hafa fléttað hann inn í sín líf. Þær leggja báðar áherslu á samveru fjölskyldna, útiveru og náttúrutengingu í hægu huglægu tempói. Þær útskýra hvaða gildi og þýðingu það hefur fyrir þær í því hraða nútímasamfélagi sem við búum í.

Í 3. þætti Hæglætishlaðvarpsins fjalla Nína Jónsdóttir og Ágústa Margrét Arnardóttir um Hæglæti og samskipti. Nína, sem er búsett á Nýja-Sjálandi, er mjög áhugasöm um hæglætisuppeldi og umhverfismál. Hún smíðar leikföng í tómstundum sínum og fjölskyldan nýtur lífsins í fallegri náttúrunni. Nína er með instagram reikninginn @the.slow.living.mama. Ágústa Margrét býr ásamt fjölskyldunni sinni á Djúpavogi, sem er Cittaslow bær eða hæglætisbær. Hún hefur líka mikinn áhuga á hæglætisuppeldi og virðingarríkum samskiptum. Hún stundar gjarnan ævintýralega útivist í fögru umhverfi Austurlands og annars staðar. Ágústa heldur úti instagram reikningunum @icelandic.adventure.family og @agustamargretmarkthjalfi. Nína og Ágústa Margrét ræða saman um samskipti sem þær eiga við sig, börnin sín og maka. Þær deila heilmikilli visku um sínar uppgötvanir um hæglætið. Hæglætishreyfingin er með heimasíðuna www.hæglæti.is.