Handkastið

Þetta er sannkallaður sérfræðingaþáttur þar sem að Árni , Einar og Silla ræða málin. Farið var yfir deildina og hvernig úrslitakeppnin getur raðast. Það var einnig rætt um allkonar slúður fyrir næsta tímabil

Sérfræðingurinn og Ponzen fóru yfir stöðuna í Olís-deildinni þegar einungis þrjár umferðir eru eftir. Fallbaráttan hefur sjaldan verið jafn hörð og baráttan um sæti í úrslitakeppninni gæti ráðist í dómsal. Sérfræðingurinn bauð upp á spikfeitann slúðurpakka og Teddi fór yfir þá leikmenn sem hafa valdið vonbrigðum.

Stefán Árni Pálsson og Ingvi Þór Sæmundsson heyrðu í þeim Árna Braga Eyjólfssyni og Tandra Má Konráðssyni og hituðu upp fyrir 19.umferðina í Olís.

Hanna Kata og Þorgerður Katrín mættu í spjall og fóru um víðan völl. Var meðal annars farið yfir glæstan handboltaferil þeirra, rætt um pólitík, jafnrétti og vináttuna. Þær fóru yfir hvað handbolti hefur gefið þeim mikið og hvað þær tóku með sér úr boltanum í pólitíkina.

Sérfræðingurinn fékk sófasérfræðinga Jóhann Gunnar Einarsson og Þorgrím Smára Ólafsson tvo af dáðustu sonum Mosfellsbæjar til að fara yfir bikarhelgina. Rúnar Sigtryggsson þjálfari Leipzig var á línunni ræddi Haukana, Leipzig og Göppingen. Einar Ingi Hrafnsson var óvænt á línunni í þættinum og fór yfir heilsuna daginn eftir bikarfögnuð. Jóhann Gunnar kvaddi Harðverja sem eru fallnir og við ræddum úrslitakeppnina sem er handan við hornið.

Sérfræðingurinn fékk enga sófasérfræðinga til sín að þessu sinni. Hann fór í efstu hilluna og fékk fyrrum landsliðsmennina Einar Örn Jónsson og Ingimund Ingimundarson til að ræða frábæran sigur Íslands á Tékkum í dag. Sigfús Sigurðsson var á línunni en hann er enginn sófasérfræðingur heldur. Einnig var farið yfir það hver á að taka við íslenska landsliðinu og að lokum var smá upphitun fyrir Final4 sem fer fram í næstu viku.

Sérfræðingurinn fékk Henry Birgi Gunnarsson og Valtý Björn Valtýsson til sín til að fara yfir slæmt tap landsliðsins gegn Tékklandi í undankeppni EM í gær. Það voru fáir jákvæðir punktar sem hægt var að ræða eftir þann leik.

Kristján Andrésson fyrrum þjálfari sænska landsliðsins var á línunni og var spurður út í starf sitt í Svíþjóð og áhuga hans á að taka við íslenska landsliðinu. Í lok þáttar var Ágúst Þór Jóhannsson einn af þjálfurum íslenska landsliðsins á línunni frá Tékklandi og ræddi leikinn í gær og hvað þarf að laga fyrir mikilvægan leik á sunnudaginn.

Ragnheiður Sveinsdóttir og Margrét Einarsdóttir komu og ræddu ýmis mál. Þá má helst nefna þjálfaraskipti, úrslitakeppni og lífið á Ásvöllum

Farið yfir leiki umferðarinnar í Olísdeild Karla. Fundin ný lið fyrir Egil Magnússon og Phil Döhler ásamt því að Ásgeir Gunnarsson fann 5 nýja leikmenn fyrir FH-inga fyrir næsta tímabil. Slúðurhorn, landsliðsumræða, skattskil og síðast en ekki síst Eurovision horn í lok þáttar.

Handkastið - Menningar og lífsstílsþáttur þjóðarinnar.

Landsliðkonurnar Andrea Jacobsen og Elín Jóna Þorsteinsdóttir mættu í Kvennkastið til Sillu. Þær renndu yfir ferilinn sinn og sögðu frá lífinu í Danmörku. Það var einnig rætt um næstu verkefni kvennalandsliðsins og hvort að stórmót sé mögulega á næsta leiti.