El è stà scolast, autur, cumponist ed anc bler auter. Ils 25 da december avant 150 onns è el naschì. Oz preschenta «Noss Chors» insaquantas da sias var 200 ovras.Hans Erni, in talent multifar, è naschì ils 25 da december 1867 a Trin Digg. El è s'engaschà sco scolast, pur, autur, dirigent e cumponist. Enfin sia mort ha el cumponì var 200 chanzuns, bleras per chors virils. Per sia lavur sin il champ naziunal è el vegnì undrà sco bab da la chanzun rumantscha. Tranter sias numerusas cumposiziuns sa chatta era l'imni sursilvan «Il pur suveran». Oz chantan «Noss Chors» tranter auter «Fontaunas clar resunan», «Cantei romontschs» ed «Alla patria».