La chantadura da schlagher è naschida ils 5 d'avust 1984 a Krasnojarsk en Russia. L'onn 1988 èn ella e sia famiglia lura vegnids en la Germania a Wöllstein. Helene Fischer è daventada ina da las grondas en la scena da schlagher. 

La chantadura, sautunza, entertainra e moderatura da televisiun ha vendì fin oz passa 18 milliuns portatuns. Ultra da quest success ha Helene Fischer er recaltgà blers premis: 17 giadas l'Echo, 8 giadas la Goldene Henne, 3 Bambis e 2 premis Goldene Kamera. Ses emprim disc «Von hier bis unendlich» è cumpari l'onn 2006, quai è alura er gist stà la partenza dad ina carriera musicala che va da success a success.

Cordiala gratulaziun a Helene Fischer per il 40avel anniversari – ed a las audituras ed als auditurs da la stailalva bun divertiment cun sia musica.

Redacziun: Christa Soliva