Hátalarinn rifjar upp heimsókn í Birdland klúbbinn í New York og pílagrímsför yfir Williamsburg brúnna á slóðir merks saxófónleikara. Gestir þáttarins eru Baldvins Snær Hlynsson og Símon Karl Sigurðarson Melsted, meðlimir Salsakommúnunnar, sem var að senda frá sér plötuna Rok í Reykjavík.

Hátalarinn heimsótti Harlem á dögunum og hitti þar skemmtilegan mann. Í leiðinni rifjaði hann upp músík sem tengist þessum bæjarhluta á Manhattan.

Arnljótur Sigurðsson er með hugann við tónlist sem ekki fékk gott brautargengi í Júróvisjón. Sumir segja að lög sem fá engin stig í þeirri keppni hljóti þess vegna að vera góð lög. Við heyrum þannig lög í þættinum.

Gestur þáttarins er Kjartan Ólafsson tónsmiður. Hann hefur undanfarin ár þróað tónsmíðaforritið Calmus, sem tekur allskonar tónefni til kostanna og gerir tillögur um úrvinnslu á því.

Kjartan segir frá því og deilir með hlustendum tóndæmum sem eru nýútkomin á plötunni Miniatures. Einnig ræðir hann um tónlistarkennslu og fleira.

Einnig hljómar í þættinum önnur tónlist sem rekja má til tilviljana í tönsköpun.

Í þættinum hljómar tónlist sem innblásin er af Miðgarði New York borgar. Einnig hljóma vettvangshljóðritanir þaðan.

Charles Ives, Leonard Bernstein, John Coltrane, Thad Jones, Eddie Bobé, Nina Simone, Benny Green og John Lennon leggja til tónlistina.

Í þættinum hljómar söngur tvíburasystranna Juanitu og Valentínu Anjes. Einnig kemur argentínskt listafólk við sögu.

En meginmál þáttarins eru hljóðmyndir borganna og borgarlögin sjálf.

Arnljótur Sigurðsson heimsækir Hátalarann með innlegg um það.

Gestir þáttarins á alþjóðlegum djassdegi eru Haukur Gröndal, Kristjana Stefánsdóttir og Vernharður Linnet.

Þau hafa helgað djasstónlistinni stóran hluta lífs síns. Leitað er að ástæðum þess og hlustað á músík sem skýra má hegðun þeirra sem ánetjast djassinum almennt.

Arnljótur Sigurðsson heimsækir Hátalarann með músík úr sínu fína plötusafni. Sumarleg erlend músík sem auðvelt væri að aðlaga íslenskum aðstæðum.

Einnig er hugað að nýrri plötu píanóleikarans Brads Mehldaus, sem hefur að geyma músík eftir J S Bach auk hugleiðinga Mehldaus sjálfs um tónlist þýska meistarans.

Blúsinn kemur líka til tals í sérkennilegu samhengi við þýska samtímatónlist og ragtime.

Þýskir 20. aldar tónsmiðir í bland við tónlistarfólk frá Afríku og mið-austurlöndum.

Bernd Alois Zimmermann og York Höller voru fulltrúr tveggja kynslóða þýskra tónhöfunda. Tónlist þeirra kemur til tals í þættinum. Einnig er hugað að því sem skarar fram úr í tónlist mið austurlanda og Afríku þessa dagana. Maya Youssef, Oumou Sangare, Ousmane Ag Mossa og Msafira Zawose spila og syngja fyrir hlustendur Hátalarans.

Árni Óskarsson þýðandi segir frá kveri Wadada Leo Smith - Nótur (8verk), uppspretta ný: heimstónlist - frá 1973, en Árni hefur þýtt bókina og hún kemur út í tengslum við Creative tónlistarhátíðina sem Wadada stýrir bæði í heimafylki sínu Connecticut í Bandaríkjunum og nú einnig í Mengi við Óðinsgötu.

Einnig er fjallað um Strokkvartettinn Sigga og tónleika hans -Tilvitnun, sem fóru fram í Norðurljósum Hörpu.

Hátalarinn er uppveðraður eftir tónleika Gautborgarsinfóníunnar á dögunum.

Þess vegna er tónlist eftir Jean Sibelius ofarlega í hátalaraboxinu þessa dagana.

Jóel Pálsson ræðir um nýja plötu sína - Dagar koma, sem sýnir á saxófónleikaranum nýja hlið. Hann hefur ekki samið mikið af sönglögum fyrr en nú.

Arnljótur Sigurðsson kemur í heimsókn með nokkur sýnishorn úr sínu tónlistarsafni.

Kjallarmúsík og heimspekilegar hringekjupælingar koma þar við sögu.