Arnljótur Sigurðsson heimsækir Hátalarann með óvenjulega tónlist í farteskinu.

Fúsintes er aðeins eitt af sérkennilegum nöfnum sem heyrast í þessum þætti. Þúsöldin og þulur henni tengdar hljóma líka innan um afa og ömmur í tónum.

Gestur þáttarins er Karl Olgeirsson píanóleikari og söngvasmiður. Hann gefur út í dag nýja plötu með fjórtán nýjum söngdönsum sem einnig koma út prentaðir á bók.

Karl segir frá því hvað drífur hann í tónlistinni, áhrifavöldum og ýmsu fleiru.

Tónlistin er af nýju plötunni og úr smiðju ýmissa þeirra sem koma til tals í þættinum.

Ásgeir Ásgeirsson gítarleikari sem hefur gefið út annað bindi hljóðritana sinna á íslenskum þjóðlögum í útsetningum fyrir hljóðfæri frá Tyrklandi, Búlgaríu og víðar. 

Ásgeir lýsir því í þættinum hvernig þessi verkefni hafa þróast.

Arnljótur Sigurðsson heimsækir þáttinn og segir frá radd- og tónlistarþjörkum. Skemmtileg tóndæmi fylgja spjallinu við Arnljót að venju.

Einnig er leikin í þættinum tónlist nokkurra notenda nútíma tónlistarþjarka. Holly Herndon, Bon Iver og Jacob Collier eru þar á meðal. Og sá sem límir saman ólíka tíma í tónlist þáttarins er Quincy Jones.

Víkingur Ólafsson er gestur þáttarins og ræðir við umsjónarmann um nýja plötu sína með tónlist eftir Jóhann Sebastian Bach, hvernig verkin eru valin og hvaða aðferðum er beitt til að gera hvert hljóðritunarverkefni einstakt. 

Þá er komið inná mismunandi túlkunaraðferðir í tónlist eftir Bach og hvernig viðbrögð áheyrenda geta verið mismunandi.

Íslenskir sextettar af ýmsum gerðum.

Einnig er rætt við Ívar Ragnarsson og Óskar Guðjónsson um nýja plötu Nor tríósins, sem gæti eins verið kvartett eða sextett.

Þá er brugðið upp dæmi um tríó sem varð að hljómsveitarverki.

Jazzpíanistar eru sjaldan kallaðir mínimalistar, en þó eru á því undantekningar. Mal Waldron lék með Billie Holiday en eftir dauða hennar tók ferill hans aðra stefnu.

Hátalarinn tengir Mal Waldron við tónlistarfólk úr samtímanum sem hefur vegið salt á jazzi og mínimalisma. Einnig hljómar ný hljóðritun á kvartetti Steve Reich frá 2013. Kvartett Colins Currie leikur þá músík.

Arnljótur Sigurðsson tínir til  tambórínur,  ókarínur og synkóperaðar klukkur. Svo verður líka flautað þegar Don Robertson setur stút á varir sínar. Í lok þáttar er leitað í tillögur alþjóðlegra heimstónlistarmeistara um góða músík. Þá verða á vegi hlustenda músík frá Svíþjóð, Bretlandi, Pakistan og Íran.

Ingi Bjarni Skúlason píanóleikari segir frá nýrri plötu sinni - Fundur, sem er að koma út og verður fagnað með útgáfutónleikum á Jazzhátíð Reykjavikur 2018.

Einnig segir Ingi Bjarni frá úkraínska tónlistarmanninum Misha Alperin, sem leiðbeindi honum í mastersnámi á Norðurlöndum. Tónlist Alperins hljómar líka í þættinum.

Agnar Már Magnússon pínaóleikari sem segir frá samstarfi sínu með norska gítarleikaranum Lage Lund, en þeir fagna útgáfu plötu sinnar Hending á Jazzhátíð Reykjavíkurí ár. 

Einnig segir Agnar Már frá nokkrum áhrifavöldum úr röðum jazzpíanista.