Gestir: Óttar Sæmundsen og President Bongo (Stephan Stephensen) heimsækja þáttinn og segja frá plötu sinni Quadrantes, sem geymir samstarfsverkefni þeirra í fjórum hlutum. Þeir ræða eitt og annað sem tengist tilurð tónlistarinnar og úr hvaða áttum hún kemur og í hvaða áttir hún fer.

Ragnheiður Gröndal er gestur þáttarins. Hún segir frá nýrri plötu sinni - Töfrabörn, og ræðir við umsjónarmann um eitt og annað sem tengist tónlistarsköpuninni. Samstarf við aðra listamenn og það að syngja á íslensku er meðal þess sem ber á góma innanum og saman við tónlist Ragheiðar.

Arnljótur Sigurðsson tók saman tóndæmi um nokkra tónlistarhópa sem stundum hafa verið kenndir vð rakarastofusöng. Hann deilir þeim dæmum með hlustendum í þessum þætti.

EInnig hljómar í þættinumGrammyverðlaunaður stórsveitardjass fyrr og nú. Hljómsveit Stan Kenton vann verðlaunin 1963, en 2018 var trompetleikarinn og útsetjarinn John Daversa sigursæll. Hann notaði sinn tónlistarvettvang í leiðinni til að vekja athygli á stöðu tónlistarfólks úr röðum innflytjenda.

American Dreamers: Voices of Hope, Music of Freedom - heitir platan.

Ríkharður H Friðriksson og Þórólfur Eiríksson, raftónlistarmenn - eru gestir þáttarins. Þeir fluttu ólík verk á nýliðnum Myrkum músíkdögum og ræða við umsjónarmann um tilurð verkanna og eitt og annað sem tengist raftónlist fyrr og nú. 

Einnig hljóma í þættinum ólík lög sem eiga það sameiginlegt að búa yfir spennandi litbrigðum hljóðsins.

Gestur þáttarins er Sigurður Flosason saxófónleikari, sem segir frá nýrri plötu sem var að koma út með tónlist unninni í samstarfi við listamenn frá Luxemburg.

Einnig ræðir Sigurður um altósaxófóntóninn og nokkra mikilvæga listamenn sem blása í gegnum þann sönglúður.

Tryggvi Hübner gítarleikari og Lárus H Grímsson hljómborðsleikari ræða um hljómsveitina Eik sem hefur starfað síðan í við byrjun áttunda áratugarins og spilar á næstunni, í fyrsta sinn opinberlega, titilverk plötunnar ,,Hríslan og straumurinn“, sem kom út 1977. 

Einnig er rætt við Magnús Trygvason Elíassen, Tuma Árnason og Albert Finnbogason um plötuna ,,Allt er ómælið“, sem var að koma út.

Arnljótur Sigurðsson heimsækir Hátalarann og deilir með hlustendum exótískri tónlist úr safni sínu. Þar á meðal er listafólk eins og Roland Boucqet, Adelardo Carbone, Umike Ando og Quincy Jones. Kannast hlustendur við það?

Einnig er hugað að nýrri plötu fjöllistakonunnar Laurie Anderson sem ásamt Kronos kvartettinnum þáði Grammyverðlaun fyrir hana. Landfall heitir hún og þar er meðal hugað að dýrum í útrýmingarhættu og lesið úr bók sem ku vera á við þrjá hreysiketti að þyngd.

Í þættinum er rætt við Maríu Magnúsdóttur söngkonu og Snorra Sigurðarson trompetleikara um starfið í Tónlistarskóla FÍH, en þar var dagur tónlistarskólanna haldinn hátíðlegur eins og svo víða um liðna helgi.

Einnig bregður Hátalarinn upp hljóðmynd af heimsókn til Rómarborgar í lok síðasta árs.

Þá er í þættinum vikið að nýliðnum Myrkum Músíkdögum og leikin tónlist Önnu Þorvaldsdóttur.

Gestur þáttarins er Selma Guðmundsdóttir píanóleikari sem var að senda frá sér safn hljóðrita frá ferli sínum, sem spannar 40 ár. Selma ræðir við Pétur Grétarsson um tónlistina og ferilinn í þættinum og í honum heyrast dæmi út nokktum verkanna sem um ræðir. Tónlist eftir Schumann, Chopin, Kachaturian, Liszt og Scriabin er þar á meðal.

Hlustendum Hátalarans er boðið í óvenjulega gönguferð með Arnljóti Sigurðssyn, sem velur tónlistina í hverju skrefi.

Önnur skref sem stigin eru í þættinum eru í boði John Coltrane, Victor Feldman og Ingibjargar Þorbergs.