Hátalarinn veltir fyrir sér dagskrá Myrkra Músíkdaga sem hefjast í vikunni. Í þættinum er leikin tónlist ýmissa höfunda sem þar koma við sögu.

Á meðal þess sem heyrist er tónlist Bergrúnar Snæbjörnsdóttur, Önnu Þorvalsdóttur, Hauks Tómassonar, Jeppe Just Christensen, Georgs Friedrich Haas og Magnúsar Blöndal Jóhannsonar.

Hátalarinn flettir í gegnum útgefið tónlistarefni síðasta árs.Sjálfspilandi píanó og dósir. Rými hljóðsins og gullgerðarlist tónlistarinnar.

Meðal þeirra sem koma við sögu í þessum þætti eru Þórarinn Stefánsson, Ólafur Arnalds, Selma Guðmundsdóttir, Þorkell Sigurbjörnsson, Gyða Valtýsdóttir, Kira Kira, Þráinn Hjálmarsson, Nordic Affect, Erik Satie og fleiri.

Vanligt folk heitir sænskt tríó sem er ekkert sérstaklega venjulegt. Don the Tiger er katalóníumaður sem syngur um hið hverfandi Aral vatn.

Inn á milli þessarra listamanna hljómar bæði elektrónísk og akústísk músík eftir Jóhann Jóhannsson, Ryuitchi Sakamoto, Jon Hassell, Jim O'Rourke, Tyshawn Sorey, Ingrid Laubrock og Daníel Bjarnason.

Hátalarinn býður gleðilegt tónlistarár.

Arnljótur Sigurðsson heimsækir síðasta Hátalaraþátt ársins og segir frá tónlist - og stærra samhengi hennar - í verkum eftir Georg Ivanovitsj Gjurdjeff og Alexandro Jodorowski.

Tónlist þeirra Gyðu Valtýsdóttur og Víkings Ólafssonar rammar inn þáttinn, en í honum hljómar líka hugleiðing umsjónarmanns um tónlistina í útvarpinu í tilefni af degi íslenskrar tónlistar, sem var haldinn hátíðlegur í liðinni viku.

Eitt og annað úr tónlistarsögu fullveldisins ratar á grammófóninn í þessum þætti.

Sönglög við ljóð Halldórs Laxness eru meðal þess sem tónsmiðir seinni hluta síðustu aldar bjuggu til. Nokkur þeirra hljóma í bland við önnur verk öndvegistónsmiða eins Jóns Nordal, Jóns Ásgeirssonar og Jóns Þórarinssonar.

Einnig er hugað að verkum Þorkels Sigurbjörnssonar, Atla Heimis Sveinssonar og Magnúsar Blöndal Jóhannssonar auk tónlistar yngri skálda.

Í þættinum hljómar músík nokkurra lykilskálda og flytjenda íslenskrar tónlistar fullveldistímans.

Sveinbjörn Sveinbjörnsson, Sigfús Einarsson, Emil Thoroddsen, Páll Ísólfsson og Jón Leifs eru á meðal höfunda.

Sigurður Skafield, Þuríður Pálsdóttir, Fóstbræður, Guðmundur Jónsson, Gagga Lund og fleiri á meðal flytjenda.

Arnljótur Sigurðsson heimsækir þáttinn einu sinni sem oftar, en í þetta sinn talar hann um tónlist sem hann býr sjálfur til undir nafninu Kraftgalli.

Einnig er hugað að nýrri tónlist eftir Jim O'Rourke, sem er frá Chicago en starfar þessa dagana í Japan. Þar býr með honum tónlistarkonan Eiko Ishibashi sem hefur líka sent frá sér tónlist sem hljómar í þætti dagsins.

Stórsöngvarinn Kristján Jóhannsson er gestur þáttarins og segir frá ýmsu frá fyrri hluta ferils síns, meðal annars sambandi við góða söngkennara og félaga í listinni.

Hátalarinn rifjar upp stutta heimsókn sína til Berlínar á dögunum. Brugðið er upp nokkrum tóndæmum sem tengjast fjölskrúðugri tónlistarsögu borgarinnar. Einnig er slegið á þráðinn til Kristins Smára Kristinssonar gítarleikara sem er meðal þess fjölmarga listafólks sem hefur gert Berlín að bækistöð sinni um lengri eða skemmri tíma.

Gyða heimsækir Hátalarann og segir frá tónlist sinni sem var að koma út á plötunni Evolution. Einnig er rætt við hana um samstarf við annað tónlistarfólk og plötuna Epicycle sem kom út fyrir tveimur árum.