Nokkrir tónlistarlegir græðlingar í upphafi þáttar, þegar Hátalarinn storkar veðurguðunum.

Árni Heimir Ingólfsson segir frá því hvernig er farið að því að búa til dagskrá Sinfóníuhljómsveitarinnar fyrir heilt starfsár, en á dögunum var opinberað fyrir starfsfólki hljómsveitarinnar hverju það mætti búast við á næsta ári.

Tóndæmi því tengd hljóma í þættinum sem og tónlist Önnu Þorvaldsdóttur en plata hljómsveitarinnar Recurrence var valin plata ársins í flokki sígildrar og samtímatónlistar íslensku tónlistarverðlaunanna á dögunum. Og Edda 2, eftir Jón Leifs mun hljóma í fyrsta sinn á tónleikum í vikunni. Árni Heimir ræðir um Jón og baráttu hans við sjálfan sig og norrænu guðina.

Hátalarinn rifjar upp stefnumót við tónlistarfólk sem tilnefnt er til Íslensku tónlistarverðlaunanna í ár.

Jófríður Ákadóttir, Sigtryggur Baldursson, Páll Ragnar Pálsson, Egill Ólafsson, Björk Guðmundsdóttir, Sigurður Flosason, Móses Hightower, Víkingur Ólafsson og hljómsveitin Annes komar þar við sögu.

Tónlist fleiri tilnefndra ber á góma og heyrist í þættinum líka auk vangaveltna um hvernig hægt sé að gera upp á milli mismunandi laga.

Íslensku tónlistarverðlaunin verða afhent nk miðvikudag.

Rætt er við Linas Paulauskis um þjóðlega tónlist frá Litháen, en hann varð á vegi Hátalarans á Womex heimstónlistarráðstefnunni í Póllandi í október.

Einnig er hugað að því hvort hægt sé að endurnýja sýn listafólks á tónlist fyrri tíma.

Arnljótur Sigurðsson segir frá rómönsku söngvaskáldunum Astor Piazzolla, Pedro Caldeira Cabral og Silvio Rodriguez.

Óperan Angel's Bone eftir Du Yun kemur til tals í þessum þætti. Og efniviður hennar er nú ágætlega til þess fallinn að fara með hlustendur á vit depurðarinnar sem til dæmis kemur ítrekað fyrir í tónlist Lydiu Lunch.

Svo birtir til með földu mánaskini og sætleiki danskrar samtímatónlistar Bents Sörensens og Hans Abrahamsens lyftir drunga dagsins.

David Murray og Saul Williams slá botninn í Hátalarann með því að spegla ungdóminn í miðaldra jazzmúsík.

Það hljómar tónlist eftir Ryuichi Sakamoto í þættinum. Bæði frumgerðir hans og endurgerðir aðdáenda hans og kollega.

Arca og Jóhann Jóhannsson þar á meðal.

Það er vikið að framlagi Osmos Vänskä þegar kemur að bæði Mahler og Shostakovich, en endurgerð á sönglagi eftir Mahler kemur líka við sögu.

Annars er Hátalarinn með hugann við minningu Jóhanns Jóhannssonar og velur lögin í þættinum fyrir hann.

Anthony Burr tónlistarmaður ræðir um hugmyndafræði tónlistarinnar og tónlist þeirra Skúla Sverrissonar. Einnig er rætt við liðsmann hljómsveitarinnar Alaw frá Wales - Oliver Wilson Dickon- um heimstónlist og Womex.

Í þættinum hljómar einnig tónlist frá Armeníu og Íran auk þess sem leikið er tóndæmi um verk þeirra Ólafs Björns Ólafssonar og Jo Berger Myhre, The Third Script, sem tilnefnt er til Spellmannsprisen - norsku tónlistarverðlaunanna.

Lífið er dásamlegt sagði einu sinni sögupersóna í bíómynd og fetti sig og bretti í takt við melódramatíska músík í hæsta gæðaflokki.

Nokkrum áratugum fyrr samdi rússinn Nikolai Myaskovsky sellósónötu sem Stalín var ánægður með.

Sellóið er næst mannsröddinni og hittir því beint í hjartastað í allskonar músík. Sumt af henni heyrist í þessum Hátalara.

Arnljótur Sigurðsson ruglar okkur í landafræðinni af sínu alkunna innsæi. Nýtt sushi uppgötvað í Brasilíu? Nei hættu nú!

Og japanska músíkin leiðir okkur á vit lækninga við sjóriðu eftir ferðalag um haf ástarinnar.

Allt þetta í einum útvarpsþætti. Jahérna!

Rætt er við Dr Helgu Rut Guðmundsdóttur dósent í tónlistarkennslufræðum, en hún flutti erindi á vetrarþingi FÍH laugardaginn 27.jan.

Hátalarinn fór á Myrka músíkdaga og hitti meðal annarra listrænan stjórnanda hátíðarinnar um það bil sem henni lauk á sunnudagskvöld.

Músíkin er úr ýmsum áttum. Úlfur Hansson, Björk, Arca, Gustavo Dudamel og Frederik Rzewski koma þar við sögu auk listafólks Myrkra músíkdaga.

Kristín Björk Kristjánsdóttir (Kira Kira) segir frá nýrri plötu sinni - Alchemy & Friends, og einu og öðru sem tengist tónlistarsköpuninni.

Vikið er að Myrkum músíkdögum í þættinum og hugleitt um myrkrið og þögnina í því samhengi.

Þá er rætt við hollenska tónlistarmanninn Huib de Jong, sem hitti Hátalarann á Womex hátíðinni í Katowice í október.

Arnljótur Sigurðsson heimsækir þáttinn með tunglsjúkan tónlistarpakka.

Einnig er hugað að Ivani Fischer og tónlist hans, en hann er þekktari sem stjórnandi Budapest Festival Orchestra, sem heimækir Ísland og spilar í Eldborg nk Miðvikudag.

Einnig spila í þættinum Glenn Gould, Chuck Berry, Jah Wobble og Berlínarsinfónían, svo einhverjir séu nefndir.