Nú er klárt at halda Sjómannadagin í Klaksvík í morgin. Fyrstu fyrireikingarnar til dagin fóru í gongd longu í mai.

-Hóast alt er ókeypis fyri tey ið koma á Sjómannadagin, so kostar hann tilsamans úti við tríggjar milliónir krónur í ár. Tað hevur eydnast okkum at fáa umleið 50 stuðlar ymsa staðni í landinum og tað er sera hugaligt, sigur Karl Birgir Isaksen, sum hevur verið við at fyrireika Sjómannadagin øll 14 árini hann hevur verið.

Ein av fyritøkunum, ið bjóða ókeypis fiskamat á Sjómannadegnum í morgin, er samtakið Kristian í Grótinum.