Ina populara cun Heini Morell e sias chapellas

Heini Morell, annada 1933, ha sias ragischs en Engiadina, però el è creschì si a Schiers ed abita uss a Trimmis. El è stà impressari e giauda uss sia pensiun, però la musica al ha accumpogna tut sia vita. Cun 12 onns ha el cumenza a sunar l'orgelet e cun 17 è el sta per l'emprima giada davant il public. Durant sia lunga carriera musicala ha el sunà tar bleras furmaziuns, uschia er tar las chapellas «Viamala» e «Rhygold». Blers onns ha el sunà cul «Handorgelduett Heini Morell & Luzi Hemmi» e cun la chapella «Scalära» ch'el aveva fundà il 1968. Il 1971 han els registrà l'emprim portatun cun la furmaziun Heini Morell (accordeon), Luzi Hemmi (accordeon), Fritz Steinbrunner (clavazin) und Hans-Luzi Flury (cuntrabass).