La chapella Kollegger: Heiri Kollegger e ses uffants sunan sauts da differents cumponists e cun blers instruments.

La chapella «Kollegger» (l’emprim «Chapella Belfort», lura «St. Moritzer Huusmusig», «Huusmusig Kollegger») è vegnida fundada il 1972 ed era cun il bab Heinrich Kolleger e ses otg uffants la pli gronda furmaziun da famiglia da tut la Svizra. Ils 8 d’avrigl avess Heinrich Kollegger pudì festegiar ses 100avel anniversari. Perquai deditgain nus l’emissiun da musica populara ad el e sia chapella da famiglia.

Els sunan sauts enconuschents da differents cumponists, surtut er da lur perdavant Paul Kollegger. Lez era in clarinettist e cumponist da renum ed ina persunalitad impurtanta per la musica populara grischuna che ha vivì dal 1872 fin il 1927.