Heilt sidan debuten har danske Helle Helle utstyrt bøkene sine med svært konkrete titlar slik at dei først og fremst peiker på det djupt kvardagslege ved livet; Hus og hjem, Biler og dyr, Forestillingen om et ukomplisert liv med en mann – eller som den siste romanen med eit enkelt pronomen som tittel, de. Med ein umiskjenneleg skrivemåte: knappe dialogar, skildringar av mange og tilsynelatande meiningslause detaljar og scener frå heilt vanlege liv, tar forfattaren sin heilt karakteristiske puls på tilværet.

Helle Helle samtaler med litteraturkritikar i Morgenbladet Margunn Vikingstad om forfattarens nyaste roman de og meir generelt om det trivielle og det høgst eksistensielle i forfattarskapen.