La Stailalva dad oz è emplenida cun melodias enconuschentas dals davos mais, ma er inqual single nova na manca betg. L'entschatta fa Vincent Gross, il star da schlagher dal mument cun la novissima single «Über uns die Sonne». Plinavant tadlain nus la Laura Wilde, er ella cun sia novissima single «Liebe ist ein Bumerang», il duo Semino Rossi & Rosanna Rocci cun lur grond hit «Unbeschreiblich weiblich – unbeschreiblich männlich», Matthias Reim cun «Tattoo» ed anc bleras autras bellas chanzuns enconuschentas, ma er bellas melodias novas.