Sumarið er ekki beint til stórtíðinda í tæknigeiranum, en við náðum að kreista blóð úr steini í þessum þætti Tæknivarpsins. Samsung leggur til að allir vírushreinsi snjallsjónvörpin þeirra reglulega. Þarf þess virkilega? Ótraustverðasti aðili tæknisögunnar ætlar að gefa út rafmynt sem heitir Libra í slagtogi við MasterCard og VISA. Huawei hefur svo ákveðið að seinka útgáfu samanbrjótanlega símans Mate X, því Galaxy Fold seinkar.. er það rökrétt?

Stjórnendur í 192 skiptið eru Atli Stefán, Bjarni Ben og Gulli Reynir.

Sóley Stefánsdóttir lenti á vegg í FÍH þar sem hana skorti kvenfyrirmyndir. Hún varð síðan fyrir áhrifum af amerískri tónlistarkonu á svipuðum aldri, sem gaf henni leyfi til þess að gera eitthvað skrítið og kúl.

Gestur þáttarins að þessu sinni er Sandra Sif Jónsdóttir. Sandra hefur verið að vinna að meistaraverkefni í heilbrigðisvísindum við Háskólann á Akureyri. Verkefnið heitir: Að ná því að vera ,,sáttur í eigin skinni” Reynsla einstaklinga með geðrænan vanda af bjargráðum og bata. Innblástur hennar kom frá persónulegri reynslu af geðrænum áskorunum og var megintilgangur rannsóknarinnar að öðlast innsýn í hvaða bjargráð einstaklingar með geðrænan vanda nota til að stuðla að og viðhalda bata. Sandra ræðir við Árna Pál um verkefnið og fleira.

Atli Stefán, Bjarni Ben og Bibbi í Skálmöld renna yfir það helsta frá tölvuleikjahátíðinni E3 sem var í vikunni. Margt spennandi var kynnt: ný Xbox tölva, hlutverk Keanu Reeves í Cyperpunk 2077 og Baldur's Gate 3.

Hvað þarf til að ala upp einstakling? Boð og bönn? Reglur? Í Koma svo! er rætt við einstaklinga sem vinna við eða koma á einhvern hátt að málefnum barna og unglinga. Umsjónarmaður Koma svo! er Héðinn Sveinbjörnsson sem hefur langan feril að baki í vinnu með alls konar fólki og faðir tvíbura í framhaldsskóla.

Í 25. þætti Koma svo! er rætt við Láru Aðalsteinsdóttur, verkefnastjóra Reykjavík Bókmenntaborg UNESCO. Hvað þýðir það að vera Bókmenntaborg UNESCO? Hvað og hvernig er hægt að auka áhuga barna og ungmenna á lestri? Hvernig getur leti haft áhrif á lífið og tilveruna?

Heilbrigðismál eru Íslendingum hugleikin, og er það málefni sem toppar yfirleitt listann yfir hvað okkur þykir mikilvægast. Þó svo að við teljum að alltaf megi gera betur erum við þrátt fyrir allt nokkuð ánægð með íslenska heilbrigðisþjónustu, enda erum við líkamlega hraust og langlíf þjóð. En er þessari góðu heilsu dreift jafnt á alla hópa? Og ef ekki, hvaða hópar eru það sem dragast aftur úr?

Í lok maí var haldið málþing á vegum Norrænu ráðherranefndarinnar, félagsmálaráðuneytisins og heilbrigðisráðuneytisins, sem velti einmitt upp spurningum um heilsuójöfnuð á norðurlöndunum. Tveir af aðal fyrirlesurunum voru Sigrún Ólafsdóttir, prófessor í félagsfræði við háskóla íslands, og Jason Beckfield, prófessor í félagsfræði við Harvard. Þau Sigrún og Jason eru gestir Kjartans í síðasta þætti fyrir sumarfrí.

Health care issues are important to Icelanders, and often top the list of what we value most. Even though it is always possible to improve, we are nevertheless rather happy with the Icelandic health care system, and our nation is both physically healthy and enjoys high life expectancy. But does this mean that everyone enjoys such a good health? And if not, what groups are lagging behind?

The Nordic Council of Ministers, the Ministry of Social Affairs and the Ministry of Health held a conference focused on health inequalities in the Nordic countries. Two of the keynote speakers were Sigrún Ólafsdóttir, Professor of Sociology at the University of Iceland and Jason Beckfield, Professor of Sociology at Harvard University. Sigrun and Jason are Kjartan´s guests in this last episode before our summer break.

Apple hélt sína árlegu WWDC ráðstefnu á mánudaginn. Að vanda koma Hörður Ágústsson og Pétur Jónsson í heimsókn og fræða hlustandur um allt það markverðasta af ráðstefnunni.

Umsjón: Gunnlaugur Reynir og Bjarna Ben.

Nú er komið að lokahluta fjórðu bókarinnar um galdrastrákinn Harry Potter. Sjaldan hefur sagan verið jafn magnþrungin og átakanleg. Meistarar Þrígaldraleikanna glíma við þriðju

þrautina, Harry og Cedric standa einir eftir og enda í drungalegum kirkjugarði þar sem sorglegir atburðir eiga sér stað. Myrkaherranum Voldemort tekst að líkamnast á ný og þeir Harry heyja einvígi. Þar á eftir afhjúpast þjónn Voldemorts í Hogwarts, Dumbledore sýnir á sér nýjar hliðar, galdramálaráðherrann Cornelius Fudge er í bullandi afneitun og það er augljóst við enda bókarinnar að sagan mun taka nýja stefnu. Erfiðir tímar eru framundan.

Hlaðvarpið Pottersen fer nú í smá sumarfrí og eftir það hefjast umræður um Harry Potter og Fönixregluna.

Þrátt fyrir að meirihluti landsmanna hafi verið hlynntur frumvarpi Heilbrigðisráðherra um þungunarrof, var greinilegt að það var nokkuð hitamál innan þingsala. Til að varpa ljósi á um hvað frumvarpið snérist og þau mismunandi sjónarhorn sem uppi voru, fékk Sigrún til sín þær Silju Báru Ómarsdóttur, dósent í alþjóðastjórnmálum og Sunnu Símonardóttur, aðjúnkt í félagsfræði og nýdoktor á menntavísindasviði til sín í hlaðvarpið.

Hvað þarf til að ala upp einstakling? Boð og bönn? Reglur? Í Koma svo! er rætt við einstaklinga sem vinna við eða koma á einhvern hátt að málefnum barna og unglinga. Umsjónarmaður Koma svo! er Héðinn Sveinbjörnsson sem hefur langan feril að baki í vinnu með alls konar fólki og faðir tvíbura í framhaldsskóla.

Í 24. þætti Koma svo! er rætt við Héðinn Unnsteinsson, íþrótta- og grunnskólakennara og stefnumótunarsérfræðing, um geðrækt. Farið er um víðan völl um geðheilbrigði, reynslu Héðins af kerfinu og hver staða mála er í dag.