Ritstjórarnir, þeir Jón G. Hauksson og Sigurður Már Jónsson, rýna í Kauphöllina og efnahagslífið. Nýjustu verðbólgumælingar valda nokkrum vonbrigðum en næsti vaxtaákvörðunardagur Seðlabankans er 21. maí. Verður breyting á stefnu bankans en nú eru menn farnir að sjá aftur auknar verðbólguvæntingar í kortunum. Um leið tóku þeir stöðuna á nokkrum dægurmálum svo sem Kveiksþættinum um njósnir og stöðu litlu hluthafanna í Landsbankanum á sínum tíma og svo rafmagnsleysið á Spáni og í Portúgal. Einnig rýndu þeir í stöðu ferðaþjónustunnar í ljósi uppgjöra Icelandair og Play og áforma Bláa lónsins um skráningu. 

Kauphöllin er ekki fyrir hjartveika og miklar sveiflur á markaði enda arðgreiðslur nýbúnar og margir velta fyrir sér hvort nauðsynlegt sé að horfa frekar á arðgreiðslufélögin. Og hvað verður um Íslandsbankaútboðið? Rætt var um að fyrri hluti uppboðsins yrði nú í maí og ríkið gerði ráð fyrir að fá hátt í 100 milljarða fyrir hlut sinn í bankanum. Verður af þessu og mun ný ríkisstjórn sætta sig við að selja á lægra gengi en síðasta ríkisstjórn?

Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/