Hoe verklaar jy dit?

‘n Molkriek is die mol van die insekwêreld, maar is hulle gevaarlik? Toe jou ouma gesê het jy het VUILBLOED, wat het sy bedoel? Hoekom is die grate in geblikte sardientjies so sag en eetbaar, terwyl dié in vars vis so hard en oneetbaar is?

Wanneer ‘n skerpioen jou steek, watter raad sou jy verkies - om melk te drink, jouself te skok, toelaat dat iemand op urineer, of het jy jou eie raad? Is jou gasstoof sleg vir jou gesondheid? Wat is die beste tyd van die jaar vir beheerde veldbrande?

Hoekom wasem jou motor se voorruit op, en hoe kan jy die vinnigste ontslae raak daarvan – met warm of koue lug? Duiwe se neste is individueel en versprei, so hoe en hoekom vorm hulle swerms?

Hoekom is sekere voëls so kleurvol, alhoewel dit beweer word dat diere en voëls kleurblind is? Mense verwys na paddas as giftig, maar hoe giftig? En watter paddas in Suid-Afrika is die giftigste?

Wat moet (of moenie) ‘n mens doen wanneer daar ‘n padda in jou huis verskyn. Mag jy hom voer? Hoe hanteer jy ‘n duisendpoot plaag? As gif nie werk nie, hoe stop iemand die aanslag?

Wat veroorsaak dat die brein 'n beeld skep van ‘n vliegtuig wat opwaarts beweeg wanneer dit opstyg? En, dr. Dave Pepler deel sy beste tuinmaakwenke met ons.

Hoe weet voëls wat hulle wil eet, en nie? Of is dit MOET eet, of nie? Maak ‘n waaier mens werklik koel, of beweeg dit eintlik net die lug in ‘n kamer rond?

Mag jy die voëls in jou tuin voer? Veroorsaak dit afhanklikheid? Watter kossoorte is veilig en watter is ongesond vir die voëls? Hoe is dit moontlik dat platannas (Afrikapadda) in Amerika voorkom?

Paddas is besig om uit te sterf, en niemand praat daaroor nie! Hoekom mag ons deesdae ons selfone op vliegtuie gebruik - is dit nie gevaarlik nie?

Hoekom verskil die spookvoël se roep so baie van ander voëls? Hoe word reënboë sonder kleur verklaar? Hoe is dit moontlik dat ystervarke amper alles vreet?