Hrefna Hlín Sveinbjörnsdóttir verkefnastjóri Reykjavíkurmaraþons Íslandsbanka kom í Klefann og hleypti okkur aðeins bak við tjöldin á Reykjavíkurmaraþoninu. 

Það er að mörgu að huga þegar kemur að því að halda svona stóran hlaupaviðburð fyrir mörg þúsund manns. Hrefna segir okkur frá því hvernig dagarnir fyrir hlaup eru, hvernig þau halda utan um verkefni 600 sjálfboðaliða, Fit & Run, brautarmælingar, af hverju þau hættu að nota byssuna í startinu og fleira. 

Þá eru reglulegar breytingar á Reykjavíkurmaraþoninu og verða áfram, t.d. verður endamarkið á nýjum stað 2026. Í ár var hægt að kaupa keppnismiða eða almennan miða í hlaupið, en hóparnir starta ekki á sama tíma. Nú er uppselt í 21 km og líklegt þykir að fleiri vegalengdir seljist upp. Þú getur skráð þig í hlaupið hér. 

Góðgerðarfélögin skipa stóran sess í hlaupinu og söfnunin gengur vel og verður gaman að fylgjast með síðustu dögunum fyrir hlaup, þú getur heitið á hlaupara á hlaupastyrkur.is. 

Þegar þú mætir í miðbæinn þann 23. ágúst þá hvet ég þig til að horfa í kringum þig og skoða umgjörðina, hvetja hlauparana og þakka sjálfboðaliðunum fyrir sitt starf.

Þátturinn er í boði Íslandsbanka og Íþróttabandalags Reykjavíkur.

@reykjavikmarathon
@klefinn.is