Ulike førestillingar om menneskeverd speler ei sentral rolle i verdigrunnlaget i kulturen vår. Respekten for menneskeverdet blir sett på som ein grunnverdi og noko som det er viktig å verne om. Menneskeverd blir dessutan ofte trekt inn i ulike etiske spørsmål som dreier seg om aktiv dødshjelp, abort, og migrasjon. Men kva betyr eigentleg omgrepet menneskeverd? Kva vil det seie at alle menneske har eit menneskeverd? Er menneske meir verdt enn dyr i kraft av sitt menneskeverd? Kva er relevansen av tanken om menneskeverd for etikk og politikk?

I denne samtalen blir det gjort eit djupdykk ned i dei filosofiske føresetnadene for menneskeverdet. Ole Martin Moen, professor i etikk ved OsloMet og aktiv samfunnsdebattant, møter professor i filosofi ved Universitetet i Bergen, Espen Gamlund til samtale.