Da mintga tipic banc da fanestra svizzer traglischa in gerani en colurs da la bandiera svizra. Ma savevas Vus chil gerani sco flur svizra par excellence è oriundamain in migrant african? 

In'autra abitanta dals bancs fanestra è la negla engiadinaisa – unica mo en colur rosa sco il fil da pitg a crusch. Il fil datti strusch pli e savevas Vus, che las neglas nèn betg be bellas, ma er custaivlas e chellas vegnan perquai subvenziunadas en Engiadina Bassa? Ed er en Engiadina Bassa, a Ramosch, per esser pli precis, creschan er chalzers sin bancs da fanestra. Vus na crajais betg? Geabain, en sasez creschan qua sempervivs, ma quels effectivamain en chalzers da muntogna. Ma uss basti – u sche Vus preferis en la lingua da las flurs, per dir cun il papaver selvadi: «Ins ha da savair cura chigl è meglier da taschair.» Mirveglias cun set ureglias? Almain set istorgias da flurs e dal flurir datti en la Marella.