Пасля тыдню выбухаў і бамбёжак, вырашаем, ці прыйшоў час змяніць стаўленне да тэрактаў і вайны ў Сірыі.

Мы зноў у поўным складзе і спрабуем абмеркаваць праблемы ўспрыняцця. Чаму тэракты ў Швецыі выклікаюць у нас сум, у Расіі - падазрэнні, а атака Трампа на Башар Асада падаецца ледзь не бамбёжкаю Нова-Агарова.

Абмяркоўваем пасты Стэльмаха і Пальчыса (і іх саміх), буйнейшы IT-івэнт і спрабуем паразмаўляць пра штучны інтэлект і прыватызацыю дадзеных.

А таксама тэлефануем архітэктару Івану Краўцову (добра, калі мы можам атрымаць ацэнку ад сапраўднага эксперта), даведваемся як ваша хата можа апынуцца не з краю і размяшчаем 1863x на беларускім палітычным полі.

Адкажам на пытанне, ці разбіраецца палітык у тым, як функцыянуюць дзяржаўныя інстытуты, апавядзем пра падабенства праграмы да студэнцкай дыпломнай працы, вызначым месца Зянона на палітычным полі і знойдзем яго агентаў уплыву сярод нас.

Мы праехалі па рэгіёнах і гатовы адказаць, што выратуе Беларусь.

“Ідэя” правяла серыю лекцый у Гомелі, Магілёве і Віцебску і нам пакуль хапіла! У новым падкасце абмяркоўваем цяжкае жыццё рэгіёнаў, пошук лёгкіх шляхоў і пры чым тут расійскае тэлебачанне.

А таксама размаўляем пра тое, чаму адміністрацыя прэзідэнта пасля пераменаў застанецца ў тым жа будынку і на якую працу могуць разлічваць звольненыя супрацоўнікі міліцыі і судоў.

І Еўрабачанне: чаму гэта добры конкурс, як радавацца 17-му месцу і што ў гэтым годзе не так (насамрэч так) з прадстаўнікамі Беларусі.

Крытыкуем скаргі і заклікаем ад іх адмовіцца, абмяркоўваем легалізацыю наркотыкаў і ведаем, чаму ўладам трэба казаць, што беларусы не чэхі ці палякі.

Сярод іншага, абмеркавалі, чаму скаргі за каменты ў інтэрнэце гэта бяда і што рабіць Ігару Случаку зараз (нічога складанага). І напрыканцы кансэнсусныя і відавочныя заўвагі пра марыхуану.

Пару нечаканых фактаў, якія высветліліся падчас душэўнай размовы пра мінулае. Як заўжды.

Апошні падкаст перад летнім адпачынкам: Антон, Глеб і Іван узгадваюць школьныя і студэнцкія часы, а таму і беларускую адукацыю (мінулае, будучыня, сучаснасць :D)

Мы вяртаемся пасля доўгага перапынку. Цяжка паверыць, але гэта будзе чацверты сезон нашых штотыднёвых гутарак. Усе ранейшыя выпускі можна паслухаць тут.

А ў гэтым мы абмяркуем дзедаўшчыну, сталінскія рэпрэсіі і каб не было так сумна анонсы нашых і не нашых мерапрыемстваў: што будзе на KEF, чаму варта схадзіць на GEW і з кім будзе наступны івент Ідэі (і пра саму Ідэю, якая хутка перастане быць Ідэяй)

Гутарым з вядомым эканоміка-географам Наталляй Зубарэвіч пра сацыяльную дзяржаву, лічбавую эканоміку і ўзнікненне запыту на рэформы.


У межах Кастрычніцкага эканамічнага форуму мы сустрэліся з Наталляй Зубарэвіч, каб пагутарыць трансфармацыю постсавецкіх краін. Чаму дамінацыя Мінска - гэта не кепска, што рабіць з прамысловымі гігантамі савецкай эпохі і калі ў гараджан узнікне запыт на рэформы.

Вы ведалі, колькі станцый метро было адкрыта на ўгодкі Кастрычніцкай рэвалюцыі?

Ну вось, некалькі статыстычных сюрпрызаў, спаборніцтва расійскага і беларускага ютуба, амерыканскія візы і Green Card, рэформы і перамены, Задорнаў vs Алексіевіч, непапулярны Статкевіч — усё ў новым падкасце.