Mu kiganiro cy'Imvo n'imvano cy'uyu munsi turagaruka ku nkuru yavuzwe cyane mu kwezi gushize mu bitangazamakuru byo hirya no hino kw'isi.

Ku itariki ya 10 z'ukwezi kwa mbere, k'uyu mwaka, igitabo mbarankuru "Spare", cy'ubuzima bw'igikomangoma cy'Ubwongereza, Harry, cyasohowe ku mugaragaro.

Iki gitabo cy'impapuro 416, cyanditse mu Cyongereza no mu rurimi rw'Icyespanyol, cyashyizwe ku mugaragaro kimaze amezi gitegererezanyijwe amatsiko n'amashyushyu menshi, ahanini kubera uwacyanditse, ndetse n'ibintu bifatwa nk'ibidasanzwe, igikomangoma Harry, cyivuga ku mugaragaro ku buzima bwe bwite ndetse n'ubuzima bw'ikambere mu bwami bw'Ubwongereza.

Harry, umuhungu wa kabiri w'Umwami Charles III w'u Bwongereza, yandika ku burakari bukomeye afitiye ingoro y'Ubwami, akanamena amabanga akomeye ku buzima bwe ndetse n'ubw'ibwami mu birego bikomeye. Ni ikiganiro mwateguriwe kandi mugezwaho na Prudent Nsengiyumva.