Ina sairada cun blera musica populara dal Grischun, da la Svizra ed er da l'Austria.Mintg'onn l'entschatta da schaner è in dals eveniments ils pli impurtants per ils amis da la musica populara: l'inscunter da chapellas a Landquart. Quest onn vegn quel organisà per la 54avla giada. Da la partida èn furmaziuns sco ils «Grischuna Ögeler», la «Oberbaselbieter Ländlerkapelle», la chapella «Oberalp» ubain «Willis Wyberkapelle». Da l'Austria vegn la furmaziun «Volksgefühl» da la regiun da Salzburg.