Ina revista sin ina saira cun blera musica populara dal Grischun, da la Svizra e dal Tirol dal Sid. Ils 12 da schaner è stà l'inscunter da chapellas a Landquart. Quest onn è quel vegnì organisà per la 55avla giada, cun furmaziuns sco ils «Fränzlis da Tschlin», las chapellas «Rhygold», «Alpafründa» ed er il trio «Tanzboden» dal Toggenburg e «Schabernack» dal chantun Berna. En «La populara» da questa gievgia udis la segunda part da quest inscunter.