Cun blers semperverds da la musica populara deditgads a lieus e cuntradas.

Ils 21 da settember è il di da la musica svizra. Perquai datti oz ina populara cun in viadi musical tras la Svizra. Vus udis tocs enconuschents da la musica populara dal Grischun, da l'Appenzell, dals chantuns Berna e Valais e da la Svizra Centrala. Nus ans fermain en blers lieus – cun il «Zermatter-Schottisch», «Dür's Seeland», «Klänge vom Pilatus», «In dr Bündner Herrschaft», «Urnerbodä-Kafi», «Durchs Linthal» e la «Habsburger-Mazurka». Nus laschain sunar las chapellas Stelser Buaba, Oesch's die Dritten, Alpafründa, Bergüner Ländlerfründa, Oberalp, il Trio Rötstock e bleras autras.