6 musicants - 20 onns – 200 concerts: cun lur 8avel disc «Gassenhauer» va l'istorgia a fin.

En la populara dad oz udis melodias e sauts vegls en in nov vestgi: ina da las chapellas che cultiveschan quel stgazi è la Hanneli Musik, fundada il 2002. Suenter 20 onns datti però il cumià, cun ina turnea ed il disc «Gassenhauer». Quel cuntegn bleras melodias enconuschentas, popularas ed er da quellas da la musica da divertiment da decennis passads.

Gia al principi ha la «Hanneli-Musig» fatg reviver sauts vegls, che han chatta in nov public e che han dà blers impuls a la scena da la musica populara. Da la partida: musicants da num e da pum. Dani Häusler, clarinetta - Fränggi Gehrig, accordeon - Peter Gisler, orgelet e cuntrabass - Fabian Müller, violoncello - Johannes Schmid-Kunz, violina e Ueli Mooser, percussiun, cuntrabass e blers auters instruments. Fin il 2018 è sta er Christoph Mächler commember da la Hanneli-Musig.

Durant ils ultims 20 onns han els registrà 8 discs: «Blümchen Wunderhold», lur emprim dal 2004 – e lura «Alpenträume», «Tänzix», «Seeland», «Baselbiet», «Polka ma non troppo» e «Über Stock und Stei» - discs cun tocs vegls tradiziunals però er cun tocs che derivan da cumponists da la musica da divertiment.