Il palc è il lieu da siemis e da dramas, insumma: il lieu da quai che muventa il cor. Savens gioga dentant in giast betg adina bainvis ina rolla principala sin tribuna, la fifa, la gnervusitad. Nus ans dumandain, munta la fifa smaladicziun u ventira? Prest mintgin enconuscha el, quest battacor furius avant il public. Tge fa quest sentiment cun artistas ed artists? Dovran els schizunt quest kick per savair s'exponer avant in public? La Marella ha discurrì cun laics e profis da differentas disciplinas: cun Leonie Bandli e Joos Risch da la gruppa da teater da Valendau, la scriventa Dominique Dosch, la violinista Flurina Sarott ed il reschissur Roman Weishaupt. Els discurran davart stress, adrenalin e dals muments ils pli nunemblidaivels ch'els han passentà sin tribuna.