En la «populara» dad oz dain nus in sguard sin dus eveniments da musica populara da questa stad. Ina giada sin il «Ländlersonntag» en la Val Stussavgia e sin l'inscunter da chapellas a Furgglis sur Tschiertschen. Vus udis dapli da quels inscunters e las chapellas che sa preschentan.

En la Val Stussavgia datti ils 4 da fanadur in inscunter da musica populara: il «Ländlersonntag». Quel vegn organisà per la 10avla giada en il curtin dal restaurant Rathaus a Safien Platz, e sche l'aura n'è betg buna endadens, lura però cun damain plazzas. I sunan las chapellas Oberalp, Örgelifieber, la chapella da la famiglia Schnider, il trio Marian, Paula & Hitsch, la Lenglerkapellä ed il duet d'orgels da maun dals frars Rickenbacher dal chantun Sviz. Si Furgglis sur Tschiertschen sunan las chapellas Alp Stätz, grauBÜNDIG, ils Grischuna Örgeler, il Ländlertrio Hermann, il duet d'orgels da man Just/Meierhans e la chapella D'Wasewachser – e quellas udis er en nossa emissiun.