En il magliacudeschs discurra Esther Krättli cun giasts davart cudeschs che dattan en egl. En il center da lemissiun stattan dus cudeschs che mainan nus en munds fitg differents. Preschentà vegn il roman «Das lügenhafte Leben der Erwachsenen» dad Elena Ferrante e «Weltgeschichte auf der Dorfbühne», in cudesch che descriva il segiurn dal general russ Alexander Suworow en il vitg sursilvan Pigniu.

Ils giasts dal magliacudeschs èn questa giada Claudia Knapp ed Arnold Spescha. En ses pli nov roman raquinta lautura taliana Elena Ferrante – che zuppa sia vaira identitad – dina giuvna en la pubertad che va en tschertga din misteri da famiglia che vegn zuppentà cun in contstruct da manzegnas.

Arnold Spescha preschenta sias retschertgas en connex cun in eveniment istoric: Loctober 1799 ha general Suworow traversà cun sia armada il ­Veptga. Ils 15000 schuldads han chaschunà gronda miseria a Pigniu.

Il tip da la magliacudeschs Claudia Cathomen è «Unerhörte Stimmen», in bestseller da lautura Elif Shafak. Inistorgia incredibla, nua china dunna morta raquinta sia istorgia or da la fossa.