En «Il magliacudeschs» discurra Esther Krättli cun giasts davart cudeschs che dattan en egl.

Veglias fotografias, albums da famiglia, ma er relaschs cun brevs pon esser ina buna chaschun per ir sin ils fastizs da l'atgna famiglia.

En il center dal Magliacudeschs stattan trais cudeschs che preschentan retschertgas genealogicas. A moda fitg differenta vegnan raquintadas las vitas da perdavants ch'èn oriunds da valladas talianas dal Grischun.

«Agostino, der Bergeller» da Simon Persenico, «Le cinque ave» da Silva Semadeni e «Im Labyrinth der Bündner Täler» da Mario Giovanoli mussan vias da s'avischinar al passà.