Plan, planet turna il sulegl ed ils dis vegnan pli e pli lungs. «Noss Chors» dechantan l'aurora – la levada dal sulegl.

Mintga di sa preschenta l'alva da la damaun cun novas colurs ed impressiuns che varieschan dal pli flaivel radi da glisch fin tar la clerezza splenduranta dal di. In spectacul che bleras chanzuns rumantschas prendan sco exempel. Tranter auter era «Riug matutin», «La not es passeda» u «Igl cant digl sulegl».