L'aria è sco electrisada suenter ina notg cun sien miserabel. Allergias e cafein èn ils motivs che l'episoda cumenza cun vusch pli deblas. Sajas dentant betg alarmads – i dovra be duas tratgas ed ILS DUS DA NUS èn puspè plain energia.

Dapli audituras ed auditurs, dapli content, dapli clics e dapli ILS DUS DA NUS. Il return suenter la pausa cumenza per Marcus ed Elias cun schlantsch, sch'els vulan u betg. Dentan nagin problem, da discutar datti sco adina pli che avunda. La dumanda è be: tgi taidla?

En l'ultima episoda avant la pausa datti bler da discutar. Pronoms per persunas genderqueeras, criticas davart la seria «The pressure game», conflicts cun vischins, isolaziuns en cuvels e.u.v. U sco che Marcus schess «I na dat nagut da rir» – quasi nagut.

Igl è gia in tempet nairas uras per ina da LAS dumondas en l'internet: Tgenin è il pli grond animal che nus surventschessan en in cumbat, in cunter in e senz'armas? Ultra da quai: Elias è stà a far retschertgas investigativas davart in med da potenza ed a Marcus mancan ils posters en las stanzas.

Èn ils onns 90 propi stads il meglier temp cun la meglra musica u essan nus partischant? E pertge avain nus dapli cumpassiun per animals che per umans? In'episoda che tuna sin palpiri interessant, ch'è dentant vegnida interrutta dad in u l'auter tuss. Per cletg datti il cosmeticher d'audio Elias.

Tgi ch'è savens stà en vacanzas cun la famiglia cun auto enconuscha quella marenda ch'i dat be lura. Cun turnar enavos en patratgs sa furma in gust tut nostalgic sin la lieunga. Ed insumma, quant temp passentain nus anc cun famiglia, amias e partenaris? As laschai surprender.

Elias ha puspè intginas anecdotas da ses viadis a la lavur, Marcus na sa betg co crititgar auters musicists ed ensemen smirveglian I2DN da la ferma voluntad da muntgs budistics. Cun quella pazienza vivessan er els en dapli pasch. Entrai er vus en noss mund betg paschaivel ma animà.

Tge che Marilyn Manson ha fatg tenor in mitus da plazza da scola savain nus pli probabel tuttas e tuts. Me tge mitus locals hai dà sin las plazzas da scolas rumantschas? E tgi paja sch'ins rumpa ina buttiglia vin tar il detaglist. ILS DUS DA NUS han dumondas e respostas per il pievel.

Mintgina u mintgin enconuscha la situaziun. Sin la plazza da scola datti persunas che pon esser ina smanatscha. Tut tenor pon ins vegnir en il focus da quellas. Ina situaziun dischagreabla che Marcus sco er Elias han gia gì. Er in tema: giats ch'èn svanids ed enguladitschs – i dat pia da discutar.

Sche Marcus ha la pussaivladad da pernottar en in hotel pli char, lura èsi cler: I vegn duvrà tut. Duvrà tut vegni era tar la seria «Physical 100», sco ch'Elias declera. Da las prestaziuns en la show po el be siemiar. Mettai pia si ils uregliers e laschai accumpagnar ID2N a Vus en Voss siemis.