En l'episoda 6 ans fatschentain nus cun dus dumondas grondas. Tge datti dapli sin il mund, portas u rodas? E tge duain ins avair fatg, avant chins ha cuntanschì ils 30? Senza fil cotschen dentant cun ideas concretas per omaduas dumondas.

Tge bitschs, bels sco era penibels, èn restads en nossa regurdientscha? E co tunass in semperverd da pop dals onns 90 per rumantsch? Nus avain las respostas concretas, betg be en furma da pled – ma era da tun. Exclusiv en l'episoda 5 dad ILS DUS DA NUS.

Avais er vus gia pers chaussas u vestgadira da valur sentimentala u nostalgica? Nus era. Quai è noss tema principal da la rubrica «preferenzas persunalas». La tenuta duai però restar positiva e sa serpegiar tras l'episoda 4 sco in fil cotschen. As laschai purtar da quella tenuta cun tadlar!

Chalandamarz u tschaiver? Per nus datti be ina resposta sin quella dumonda. Ma tgi sa, forsa savais vus argumentar pertge che tschaiver ha in dretg d'existenza? I na dat però betg be discussiuns davart isanzas en l'episoda 3 dad ILS DUS DA NUS. Nus sclerin era inqual gronda dumonda da l'univers.

«ILS DUS DA NUS» èn arrivads en l'elita. Motiv avunda per celebrar quai cun ina nova episoda. In'episoda che sa metta sin in viadi linguistic en tschertga d'expressiuns rumantschas. Forsa ch'il «TEAM INTIM» da RTR po confermar ina da nossas propostas?

Igl è ina premiera – l'emprima episoda ILS DUS DA NUS! Tge pleds tunan e vesan ora sco muntan? Tge faschain cun nossa "libertad"? Tge ha lieu en la bocca d'ina balena? Ils temas varieschan sco ils arguments cunter vaccins.