Quest'emna elavurainsa divers resuns e messagis da noss pievel e sfundrain in in'u tschella anecdota da temps passats. Elias ha mal il dies, Marcus patescha dad in nausch siemi e per na vegnir massa sentimentals tractainsa nossas insultas preferidas.

In'episoda pli frestga che paun-seghel: Elias è gist turnà d'in viadi da lavur e Marcus emprova da tegnair or il bler temp liber senza daventar in um vegl cinic. Co fissi d'avair pes movibels sco in schimpans e tge fageinsa, sche nus chattain or, sco che nus murin?

Tge èn stads ils avantatgs e dischavantatgs d'esser in giuvenil? Il spectrum è vast e cumpiglia lenergia infinita ch'ins ha da quel temp ma era situaziuns da ricla pervia ch'ins na riva betg da sortir da sia pel. Tge che resta dentant sut il stritg dals onns da «teenager» udis en l'episoda 10.

Il pli grond return quest onn dapi Pasca. ILS DUS DA NUS as beneventan puspè cun bratscha averta e discutan en l'episoda 9 detagls exclusivs davart l'inscunter musical da Linard Bardill e Kanye West.

L'atmosfera è sco avant las vacanzas da stad. La buna luna regna, ils spruhs vegnan ed il temp curra. L'episoda 8 marchescha l'ultima episoda da l'emprim bloc e tematisescha tranter auter quellas flosclas, retoricas u betg retoricas, che nagin dovra. Gizzai las ureglias!

Tar l'igiena na fa Elias betg cumpromiss. Saja quai sin tualettas u en nossa nova rubrica «la schelta». Tge chè ultra da quai anc crudà giu da la «planta da schleppas» quest'emna udis en l'episoda 7 dad ILS DUS DA NUS.

En l'episoda 6 ans fatschentain nus cun dus dumondas grondas. Tge datti dapli sin il mund, portas u rodas? E tge duain ins avair fatg, avant chins ha cuntanschì ils 30? Senza fil cotschen dentant cun ideas concretas per omaduas dumondas.

Tge bitschs, bels sco era penibels, èn restads en nossa regurdientscha? E co tunass in semperverd da pop dals onns 90 per rumantsch? Nus avain las respostas concretas, betg be en furma da pled – ma era da tun. Exclusiv en l'episoda 5 dad ILS DUS DA NUS.

Avais er vus gia pers chaussas u vestgadira da valur sentimentala u nostalgica? Nus era. Quai è noss tema principal da la rubrica «preferenzas persunalas». La tenuta duai però restar positiva e sa serpegiar tras l'episoda 4 sco in fil cotschen. As laschai purtar da quella tenuta cun tadlar!

Chalandamarz u tschaiver? Per nus datti be ina resposta sin quella dumonda. Ma tgi sa, forsa savais vus argumentar pertge che tschaiver ha in dretg d'existenza? I na dat però betg be discussiuns davart isanzas en l'episoda 3 dad ILS DUS DA NUS. Nus sclerin era inqual gronda dumonda da l'univers.