A corporación municipal de Tui reúnese en pleno de carácter ordinario mañá xoves ás 20 h con doce puntos na orde do día. Entre os temas a tratar está a apertura dun novo periodo de información pública do inventario de vías e camiños municipais, a ordenanza reguladora das axudas á rehabilitación e urbanización na ARI, a designación de festivos locais, a solicitude de creación dun servizo de saúde mental no Centro de Saúde de Tui, así coma requirir un trato preferente para o Camiño Portugués e solicitar medidas para erradicar as especies invasoras do Miño, entre outros.